عطوني حل لمشكلتي..هل احمل الان؟

السلام عليكم احبائي...

جيت لكم اليوم وانا في امس الحاجه لكم...

بقولكم قصتي وبعدين المشكله الي انا فيها بقولها ........

انا تزوجيت وعمري 19 سنه وبعد زواجي بستة شهور حملت وجبت بنوتتي البكر وفرحت فيها

جدا وحبيتها حب لايوصف

لكن لما صار عمرها عشر شهور حملت عليها بالغلط كوني ماعرف شطاره في الموانع

المهم في البدايه زعلت لكن فكرت بين نفسي قلت يمكن يكون ولد وبعدها ماا حمل اصبر عليهم كذا سنه علشان ارتاح

وصج الله ماخيب ضني وحمل بهلولد الي صار كل تفكيري فيه

لما دخلت السابع رحت طيران اجهز له مابقى شي ماشريته لانه انا وزوجي استانسنا بالحيل وهال زوجي يموووتون شي اسمه ولد وفرحو لما اعرو اني حامل بولد

عطاني زوجي من الميه للثلاث الاف من والى شريت له

من السرير للبربيتوز وافخر الاشياء شريت له


المهم

لما دخلت الثامن كان عندي موعد بالمستشفى وسو لي تصوير وقالو لي الطامه الكبرى البيبي مات

من دون سبب يذكر

المهم قلت انا وزوجي لاحول ولاقوة الا بالله اكيد فيها خيره لنا وصبرت وتوكلت على الله

قلت انشالله الله يعوظني بداله بالف خير

وحملت من جديد بعد ولادته بشهر ومريت بمراحل الحمل الصعبه ولما دخلت الرابع

رحت طيران اشوف نوعه وانا متأمله كل امل انه ولد لكن جاتني الخبريه الي شلت حركتي انه

البيبي بنت

سكت وزعلت كم يوم وقلت معلش انشالله المره الجايه الله ينولني الي ببالي

وجبتها وكانت احلى بنت ودخلت قلبي لخفة دمها



والحين لها اربع شهور وداخله الخامس


وبصراحه ودي لما تكمل العشر شهور يعني في ربيع اول احمل عليها


لكن زوجي مهب راضي يقولي انا مارتحت من تزوجت ماودي بأذية العيال وانا ماني قادره اصبر ابي احمل ابي يمكن الله يرزقني بالولد


يقولي زوجي صبري لما يصير عمر الصغيره اقلها اربع سنوات


ما اقدر والله انا فكرتي اني اجيبهم مروه وحده لانه التربيه وحده وحده مابغى بعد مايكبرون وارتاح

من الحفاظات والرضاعت والسهر بالليل احمل مره ثانيه وارجع للهم

دومهم اصغار اربيهم جميع وانا فاظيه يعني لادراسه ولاشغل بالبيبت جالسه

وعمري الحين 24 سنه اذا صبرت لما يصير 28 راح يكون ولدي صغير بالنسبه لعمري ودي اجيبه دومني صغيره


ولا شنو رايكم.............؟؟


الي ودي فيه انكم تعطوني حل شلون اقنع زوجي ودي بأسلوب حلو اقنعه


لانه رافض الفكره من الاساس مابقى شب ماقلته له ولا زعل ولا صراخ ولا هدوء ولا تفاهم مافي فايده


علشان جذي انا لاجئه لكم انكم تعطوني نصيحه ..........؟؟




اتمنى ماتهملون شكواي