ذكرتيني فيني قبل شهر ..
زوجي اقترح نروح لقطر انا وياه ونترك العيال عند اهلي لكن قلبي عورني لان عندي ثلاثه بنت عمرها ثمانيه سنين يعني كبيره وتفهم وكسرت خاطري كان ودي تجي معنا ووتتفرج والثانيه عمرها ثلاث سنين ونص هذي لااازقه فيني وماتتركني ابددد والثالث عمره سنه ونص وهذا ماشلت همه ابد لانه صغير ومايفهم للسفر وبيتعبني بس شلت هم البنتين ولما قلت لزوجي باخذهم ماتحمس وقال خليهم عند اهلك وخلينا نروح وننبسط ( شكله مثل زوجك ) وانا مثلك احترت وخفت انه يهون عن السفره اذا اصريت اننا ناخذهم .. وشاورت اختي وقالت لي روحي وانبسطيً وغيرو جو والبزران مو في الشارع ومعهم الشغاله تلبي طلباتهم وتوكلت علي الله وخليتهم ومن جد انبسسسطنا انا وزوجي كثيييير واهم شي اني ماكنت اكلمهم خصوصا الصغيره لاني عارفه اني بحن وبيضيق صدري كنت اكلم امي او زوجة اخوي اللي ساكنه مع اهلي يوميا واتطمن عليهم ..
والحمدلله رجعنا واحنا مبسوطين وزوجي ماكان وده يرجع لاننا من جد صرنا مثل العرسان .. خفيفين وكل واحد همه يرضي الثانيى..

ولاتقصرين بالهدايا للي بتحطين عيالك عندها ..
وعلي فكره ماليزيا فيها مناطق بارده ممكن يمرضون فيها الصغار وتتوهقين وقتها بدل ماتنبسطون تدورون علي هالمستشفياتوفخليهم احسن لك ولهم وهم بالنهايه صغار ماراح يتذكرون هالرحله بس بيشغلونكم بطلباتهم وشيلهم وحطهم فمن رايي تخلينهم احسن واستمتعي بهالكم يوم مع زوجك وصدقيني ان رجعتو بتلقينه متحمس للسفر مره ثانيه ..

والله يسهل اموركم ..

السلام عليكم

أختي العزيزه حطي الصغير عند أختك وهي قالت لك عادي

والكبير عند أخته وبس

وروحي انبسطي
والله يوفقك

حبيبتي هالشي راجع لك انت وشخصيتك!
اذا تقدرين تتركينهم ومايضيق صدرك وتفكرين فيهم وهم بعاد اتركيهم ،
واذا متعلقة فيهم وتحسين نفسك ماتقدرين بدونهم خذيهم معك.
وماليزيا فيه ترفيه لهم ولو راحوا مستحيل ينسون هالذكريات ابددد، بتظل معهم.

اعرف وحدة سافرت ماليزيا قريب وتركت عيالها عند اهلها ، تقول بالنهار انبسط وانساهم شوي وبالليل
كاني شغالة طول الليل اصيح وافكر فيهم
وتصدقين ماكملوا سفرتهم قطعوها وارجعوا.
اختها راحت عقبها لتركيا ونفس الشي تركت عيالها تقول آخر ونااااسة وبالعكس عيالي في الحفظ والصون وانا بآخذ راحتي.
باختصار الموضوع يرجع لك انت!