عطوني حل وخليكم عادلين معي ومعه لاني تعبااااانه

السلام عليكم ورحمه الله وبركاته بنات انا عندي مشكله مررررررررررره محتاره ماادري وش اسوي انا ابتكلم وانتو احكمو واعتبروني اختكم وكل وحده تحط نفسها بمكاني السالفه اني انا ساكنه مع اهل زوجي لي مدخل مستقل بس اللي فيه شر مايخلي احد يرتاح انا اصلا ام زوجي ماتحبني ابد المهم انا يوم سكنت عندها كانت تسوي الغدا لها وعيالها وتعطينا منه انا وزوجي بس يوم قررت اني انا اصير اسوي غداي انا وزوجي انهبلت وصارت تكرهني اكثر لانها ماتبي ولدها يستغنا عنها المهم حتي امي كانت تحبها تكلمها كل يوم بس من خذني ولدها وهي ودها تطعنا انا وامي حتى ابوي ولد عمها صارت تكره طاريه وصارت مشاكل كثيره مره خلته يطردني من البيت عشان وحده من خواتها جت لبيت اهلي الفت علي كلام وخلته يطردني من البيت واصلا خواتها يصيرون بنات خالت امي بس تبي كل الناس يكرهون اهلي ومسكينه غيرتها ذبحتها حتى قبل ما اخذ ولدها كانت تدق ديرمه وتحط شيلت ع راسها ومن زواجنا وهي تروح الكوافير والتسريحه والمكياج الحمد لله بس المهم المشكله اللي صارت يوم يطردني من البيت انا اللي رجعت له وحتى ماجاء يخذني عمي رجعني له لانه قال لعمي هي مقصره بواجباتي المشكله الثانيه صارت يوم كنا في الشرقيه كانت ملكت اخوه هناك وخواتها كانو معنا وكانت تحش فيهم طول الوقت عشانهم ماراحو معنا الكوافير وهم مساكين ماصحو الا متاخرين عشان كذا ماامداهم يجون وكانت تقول هم مستحقرين ملكت ولدي ذا البخلا ومن ذا الحكي اصلا هي ماخلت احد في حاله استغفر الله المهم رجعنا من عند الكوافير ولبسنا وطلعنا يوم ركبت السياره معها لقيتها تحش فيهم تقول ليش يجبون عيالهم يبون يفشلوني تخيلو احنا في السفر يعني وين يودونهم له يوم وصلنا بيت اهل العروس تو خواتها بيسلمون عليها قامت انهارت عليهم ليش تجيبون عيالكم هم انهبلو وحده كان بتطيح من الصدمه رجعت للسياره تبي تروح بس عيت عليها زوجت اخوها والثانيه قالت ليش ماكلمتي وقلتي لاتجيبونهم احسن لنا ولك وفشلتهم عند الناس ومره تنكدو ويوم قعدنا شوي يوم جتني قالت شفتي وش سوو فيني حسبي الله عليها والله ماسوو لها شي بس هي تبلا الناس الله يبلاها يارب قلت انا ليش تقولين لهم كذا خلاص هم جو وانتهى الموضوع قالت اي والله ياليتني بس سكت المهم يوم رجعنا للفندق قالت انا ودي اعلم عيالي عليهم يروحون يهزئونهم بس ماودي انكد على عيالي وهي ام زوجي ماعندها بنات كلهم اولاد واكثر واحد صاير لها مثل البنت زوجي يزعل معها ويظلم الناس عشان ترضى ماعنده اي مشكله الي مايخاف الله انا ماقلت لزوجي اي شي عن المشكله راح نام يوم اصبحنا قام وراح يصلي قلت له بروح انا وولدي لامك قال طيب يوم رحت توني ابدخل وسمعت صوت عيالها والشقه زحمه استحيت ورحت لشقت اهلها اللي هم بنات خالت امي اصلا جلست معهم وافطرنا وامبسطنا وكانت خالتي اللي هي جدت زوجي ابي اركب معكم لما نروح للرياض وكنا بنمشي بعد ساعه قلت لها طيب يوم نزلنا تحت لقيت زوجي نافخ خشته ومررره صايل وعيا يكلمني لان امه عبته بالكلام وكذبت وكل شي ركبنا السياره يكلم جدته وانا طول الخط ماكلمني ابد يوم وصلنا الرياض ودينا جدته لبيتها قال ليش تروحين لهم وهم مزعلين امي وقام يسب فيني وفيهم ومابقى شي ماقاله لان امه قالت ليش زوجتك تروح لهم تبي تهيني و وداني لبيت اهلي وراح قعدت ثلاث ايام عند اهلي يدق علي ماارد ويرسل مسجات ماحتى شفتها قام جاء لبيت اهلي وفتحت له امي قالت بنتي ماتبيك ضاق صدره وعطته امي من الحكي قال لاتصدقينها قالت امي بنتي ماتكذب انا ربيتها على الصدق قال هو حتى انا امي ربتني شوفو بس الكلام المهم ناداني ابوي له وجيت تكلمه وبرضو رجعت للبيت مره ثانيه وهو الغلطان واقوله خلنا نتفاهم هينا في بيت اهلي قالي لا في بيتنا رحت معه ولا استفدت شي ابد قام يصارخ ليش امك تتكلم ترا اقدر اهزء امك شوفو الكلام وقالي لا اسمعك معلمه اهلك عن اسرارنا والله ترابرجعك لهم وخالاتي والله اي مكان هم فيه تتطلعين منه وهم بنات خالتي قلت ليش قال بس وبعد اسبوع كان فيه عزيمه وكلنا انعزمنا فيها امي وامه وخالاتي وخالاته قلت ابي اروح قال فيه خالاتي قلت دق اسالهم قال اذا هم فيه ماتروحين قلت انا مالي دخل في مشكلتكم بس هو يبي يرضي امه لانها ماتحب تشوفني قاعده مع خواتها قلت ودني لبيت اهلي وداني لهم وقالي ماراح تروحين اذا راحت امك ابجي اخذك ارسلت له رساله قلت ابي اروح قال روحي بس مالك رجعه للبيت ارسلت له قلت لاتهدد انا ماسويت شي يغضب الله قال انا مابيك تقعدين مع خالاتي منه رساله ومني رساله بعدين اتصل وانهار انا لما اقولك شي تنفذين غصب عليك والله زوجي ماكان كذا بس حسبي الله ع امه سكت انا وبعد ساعه كلمته وقلت له ابي اروح لبيت اختي قال روحي اجي اوصلك قلت لا بروح مع اخوي ونمت عند اختي ولااتصل ولافكر لان امه يوم جت من العزيمه مثلت عليه دور المظلومه شفته خواتي مابغوني ولا جلسو معي لان خواتهامره حقدو عليها والي قهرها اكثر انهم جالسين مع امي قالت ليش يجلسون مع امها قالو مالك دخل هذي بنت خالتنا وجدت زوجي سالت عني ليش ماحضرت العزيمه قالت امي زوجها يقول لاتروحين مادام خالاتي موجودين وانهارت جدته قالت وش مسوين له خالاته راحت جدته وسالت امه قامت الممثله انتفضت عليهم وقالت تصدقونها هي وامها كذابين حسبي الله عليها ونعم الوكيل قادر ياكريم وعلمت زوجي الخكري عن كل شي والحين لي اكثر من اسبوعين لااتصل ولاجا حتى ولده ماشافه ولاسال عنه حتى مصروف ماعطاه قووووووووووولي وش اسوي انا مرررره تعبانه ومنهاره وولدي يسال عنه حسبي الله عليه من رجال