صراحه مره زينه ومريحه وتنشف كويس وسريعه بس احسن شي الي تفتح من فوق وحلاوتها تاخذين معها النشافه الحاره والله الملابس تطلع مكويه بس تتطبقينها

ام نوسه الحلو

أنا أبا الغسالة الفل أوتوماتيك تغسل وتشطف وتنشف وكل هذا في وقت واحد يعني ما أبا الغسالة بروحها وبعد أخذ نشافة .... النشافة هذي ما تكون من ضمن مراحل الفل أوتوماتيك؟؟

أنا غسالتي ميتاج ومرتاحة معها على الآخر وعندي نشاف نفس الماركة
برضو حلو ولها عندي أكثر من أربع سنوات وأمي نفس الغسالة وتنصح مرة فيها
على فكرة كان عندي غساله الفل أوتوماتيك وعشت بكابوس لين تخلصت منها
تخلي الملابس مكرمشه لدرجة ملابس زوجي ماقدر الكواي يكويها إلا بعد مانقعها بماء بارد
خفف شوي من المصيبة .
لكن المناشف قمة في الروعه كنت على طول أحطها في الدولاب .

RrSs
يعني أفهم من كلامج ان الغسالة الأتوماتيكية اللي كل شي في واحد ( غسيل وتنشيف تام 100% فل أوتوماتيك) تكرمش الثياب والغسالة اللأوتوماتيك اللي تنشيفها50 أو 70% وأشتري معها نشافة عشان أفتك من الكوي؟؟
بس أنا ما أكوي أساساً إلا الشيل والعبي مرة في الأسبوع ومرات في الأسبوعين يعني نادراً أما ملابس زوجي من كنادير وغتر يكويهم برع في اللاندري ملابسي وملابس الأطفال ما أكويها!
هااااااا شو تنصحيني؟؟

يعني النشافة تقوم بوظيفة أو بتسهيل وظيفة الكوي؟