aro0o0oj @aro0o0oj

عضوة نشيطة

عطوني رأيكم

السلام عليكم ورحمة الله
يا حوائيات القمرات شوروا علي بأراءكم الله يجزاكم الجنه
والله ما قد شرتوا علي بشي وسويته الا وطلع صح

عندي مشكله بدت من شهرين تقريبا
في يوم من الايام
كنت استعد وراح انام
قبل الفجر بحوالي ساعه
توضيت وصليت ركعتين وجيت عالفراش بنام
وتوني باشرب ماي الاو يجيني نغزه بصدري حسيت كان قلبي وقف ورجع من جديد والم بصدري وجتني تشنجات باطرافي وصرت اصرخ وابكي صحي زوجي مفجوع وجا يهديني
بس مدري وش فيني والله يا بنات كاني اشوف نفسي ومو انا الي اسوي هالشي ولا اقدر اتحكم بجسمي ولا بنفسي
وصراااااخ متواصل وحاله زي الهستيريا واظرب نفسي بقوه وبكا متواصل ولا اقدر اتنفس احس باختناق والم بالصدر وتنميل بسم الله
رحت على طوووول عالطوارئ وزاد الصراخ والظرب وهم يشبكون الاجهزه وانا اظرب نفسي والممرضات
وهم يسالون زوجي وش فيها وش الي صار وهو يقول مدري قالوا كل شي تمام ظربات القلب منتظمه والاكسجين بالدم تمام وانا اقول لا يكذبون انا قلبي يعورني وبيوقف ولا اقدر اخذ نفس ومختنقه بقووه
المهم زاد الصراخ وكان فيه اطفال في الطوارئ وحسيت اني روعتهم قلت لزوجي طلعني ابغى اطلع من المستشفى
وطلعنا
اهدأ شوي وفجأة تجيني زي النوبات واصير اصرخ واظرب نفسي واحس كان في شي يمسك جسمي كامل ويسوي هالاشياء فيني واصرخ اقول لزوجي جت جت وانا مدري وشهي..
المهم وطلعنا ندور شيخ ما لقينا كانت الساعه 6 الصبح ومحد يفتح لنا ويقولون ما نقرا اليوم او مو الحين تعال بعدين وانا حالتي حاله بالسياره ورجعت البيت
لحد المغرب ما صدقت اذن وصلينا ورحنا لشيخ
قرا على جملة الناس كلهم وبعدها رحت له حط يده على راسي وقرأ ونفث سالني وش فيك ما قدرت اتكلم كنت بس ابكي وصوتي يرجف واحس بخوف وفيني غصه وقلت له على الي صار معي
بس قالي كلام حسيته غير مقنع
قالي انتي تعيشين بوحده لان توك متزوجه وكنتي متعوده على بيت اهلك مليان اطفال وناس حولك كثير تعجبت كثير لاني ما قلت له شي وخفت منه بصراحه وقالي انتبهي من الشياطين لانها تترصد فيك بس الحمد لله ما قدرت عليك
المهم من قبلها بحوالي شهر صار تجيني الام غريبه فبطني وامساك يستمر لاسبوع او اكثر احيانا وغازات وقالوا لي قولون واستخدمت علاجات القولون بس ما تغير شي وصار عندي انتفاخات في البطن
المهم عدت فتره على هذا الموضوع لحد ما نسيته
ما قلت لكم طبعا شكيت يكون بسبب نقص الحديد لكن سويت تحاليل وما كان فيني شي
طبعا الشيخ قالي استمري على البقرة 7 ايام متواصله وعطاني كتيبات الاذكار وقالي واظبي عليها
استمريت على البقره الايام المحدده وكنت اتعب احيانا بس على خفيف الحمد لله
وصارت تجيني احلام غريبه وكنت اكتب الاحلام للاخوات هنا في الموقع ويقولون لي هذي مو احلام وهذي حاله اسمها تجلي تظهر فيها روح الانسان ويشوف الي يصير معاه في البيت او في الغرفه الي نايم فيها وكنت اشوف الجن والشياطين باشكال ناس احيانا واشكال غريبه غير محدده بالذات لمن اكون نايمه في الظلمة ويجيني الجاثوم بكثره حتى لو نمت على وضوء وذكرت الله قبل نومي بالذات لمن اقول الاذكار قبل النوم
وجبت سي دي البقره وشغلته بوسط البيت وشغال 24 ساعه من حوالي شهر تقريبا بس الوضع زي ماهو ما تغير شي من ناحية الاحلام
بس لاحظت الايام الي اقرأ فيها الرقيه وسورة السجدة والملك اتعب فيها وتجيني الاحلام والحاله من جديد واذا ما قريتها ارتاح شوي فبعدت عنها
حسيت بالذنب وقلت ياربي الى متى لازم استمر عليها لانها تفيدني ما تظرني ان شاء الله

امس الصباح شفت اذكار الصباح بقناة وصال وصرت اقرا ورا الشيخ الله يجزاهم الجنة وبعد حوالي ساعتين الله لا يوريكم الي صار فيني
احس روحي بتطلع من جسمي وبافقد الوعي وانا جالسه عالارض اشوف السقف يتحرك وكل الي حولي يدور ويتحرك وحراااااااارة بصدري زي النار شابه فيني
تعوذت من الشيطان ورحت لغرفة ثانيه
فجأه حسيت بفجعه فيني
احس في احد معي في البيت واحد يراقبني
احس في احد واقف عن باب الغرفه يراقبني وزاد خفقان القلب وصرت اعرق كثير وحسيت بدوخه وخوووووووف رهييييييب
قمة الرعب عشتها امس وبديت احس باختناق زي المره الي راحت
واتعوذ من الشيطان واتنفس بهدؤ لاني لو فزعت للحظه وحده راح تجيني الهستيريا من جديد وانا لحالي في البيت محد بيسمي علي واستمرت معي حوالي 3 ساعات
وحتى بعد ما رجع زوجي وتطمنت شوي ونمت اصحى من نومي على الخفقان والرجفه واحس كان روحي تطلع من جسمي واكاني باطير واطالع السقف اشوف كل شي يدوووووور من حولي

اليوم قلت باتاكد
ما قريت لا اذكار الصباح ولا رقية ولا شي والحمد لله مافيني شي

تكفون علموني وش الي فيني لو احد عارف وكيف اعالج هالشي
بالرقيه اتعب ولا اقدر اكمل والاذكار تتعبني
طيب وبعدين الى متى
ابغى احرص على الاذكار كل يوم بس ما اقدر ولا ادري وش السبب
انا اسفه طولت عليكم بس اتمنى احد يفيدني ويساعدني

يلزم عليك تسجيل الدخول أولًا لكتابة تعليق.

تسجيل دخول

الكاااااااادي • 13 سنة

الله يشفيك حبيبتي

ام فجرs • 13 سنة

اختي الله يشفيك بس انتي تستخدمي حبوب منع الحمل او اي دواء ولا توسوسي بالجن وكذا لان حالتك راح تزيد

نور نجد1 • 13 سنة

اسأل الله العظيم رب العرش العظيم ان يشفيك شفاء لايغادره سقماء
يأعزيزتي دهن جسمك بالزيت فيه خلطه الشيخ ابراهيم الرويس تلقينها بالنت
دهنه كل ليله ماعد الاقدام فقط عندى احد أخواتي فيها مثل حالتك وراحت الى طبيب نفسي والحمد لله
اشو يسمونه الرهب الاجتماعي واشربي ماء زمزم بنيه الشفاء وتصدقي الله يشفيك ومرضى المسلمين اللهم امين

clas_sic • 13 سنة

الله يشفيك يارب

Honey Flower • 13 سنة

الله يشفيك اختي