حبيبه قلبي انا مارسلت لك الا لاني اعجبت بكلامك وخبرتك ماشالله خصوصا برجال الشماليين الشرقيين لذلك انا زوجي شمالي شرقي لى معاه 9 سنوات كانت فيه سالفه خبيت عنه قبل ماتزوج مو قصدى شي لاني حسيت ان هالسالفه ماله داعي اقوله وبعد 7 سنوات من زواجنا وماعندي منه الا بنت وولد صار يسئلني عن اشياء قديمه جدا وصار يحلفني بعيالي ويقول جعل عيالك يموتون ان كنتى تكذبين واضطريت اقوله السالفه وصار من ذيك اليوم يقول غشيتيني خدعتيني وصار واحد ثاني وغير كذا انا صابرة عليه طول هالسنين مصروف ماطلب الا وين وين وماثث بيتي ابدا وسكت الى ان جاء اليوم اللى بننقل من بيتنا الى بيت ثاني بسبب اصرار اخوه لانه بيسافر الى نجران وقال استاجر الدور اللى فوق وقلت له انا ماراح ارضي هالمرة اني اسكن ببيت مو مأثث وعاد صار بينا سالفه وهاوشني وتكلمت عليه بس ماغلطت وقام ضربني برجله وحزت بخاطري وشلت عليه بالمرة وصرت مااعطيه وجه ابدا حتى النوم اعطيه ظهري لانه بالاونه الاخيرة صار يغلط ويتكلم بعرضي وان دافعت عن نفسي قام ومد ايده وانا ساكته وماتكلمت واخد عيالي وشرى لهم غرفه نوم اما انا غرفه النوم حقه اخته قديمه له 8 سنين ومافيه دولاب يعني مستعمل وقص فرش للصاله وستارة جدا عادي وباقي البيت بلاط وغرفتين فيه عفش واغراض اخوانه ومسكر عليهم الباب وزعلت منه قلت المفتاح معك من شهرين ليه مااثثنا البيت على شوي شوي وانا حلفت اكثر من مرة اني مادخل هالمرة ببيت بدون اثاث لان سبق وسكنت مرتين ببيت مو مأثث وتحملت اغراضه وعفشه لو تشوفين بيتي الاول تقولين ورشه ومستودعات لانه يشتغل بالتجارة ماكان عندي مجلس حريم او مجلس رجال محد دخل بيتي لذلك انا تعقدت ودقيت على هلى وطلعت مع السواق ومعي اخوي الصغير عمرة 11 سنه يعتبر محرم واخذت عيالي ويوم درى اني رحت لاهلى زعل وقال دمرت البيت بمزاجك وزعل مرة وانا قلت له ابي بيت كامل وماراح ارضى غير كذا وماصار يرد علي ن
انا محتاسه الحين ماعندي مصروف ولا عطانا ولاني موظفه وهلى على قد حالهم وشكله مو راح يسوي لي شي لانه بينتقم لانه اسلوبه كذا كلما زعل لازم يعاقبني وينتقم مني انا الحين محتارة هل ارجع البيت مع السواق او استنى يمر علي قالي طلعتي بدون اذني واخذتي العيال بدون اذني وانا راح اخذ العيال منك وانتي اقعدي ببيت ابوك هل انزل كرامتى وارجع بنفسي وارضى ببيت كله مستودع او اقعد عند اهلي الى ان يغير البيت الى افضل حال محتارة بامرى خواتي يقولون لي اقعدي وابوي يقولي اقعدي عندى الى ان يرتب بيتك لانك لو ترجعين ترجعين مذلوله وهو مو راضي يغير رايه وصار زعلان لاني طلعت بدون اذنه وانا طلعت زعلانه مو طلعت بدلع وش اسوي ماعرف هل ادوس على نفسي وارجع او اطنشه واحقره ومااكلمه ابدا اللى ان يأثث بيتي ساعديني يالغاليه اذا عندك خبرة بهالموضوع
يلزم عليك تسجيل الدخول أولًا لكتابة تعليق.
تقعد في بيت ابوها الين ياثث البيت كفايه تنازلات وفي الاخير مافي شكر ولا عرفان
والشمالي الشرقي تجيب راسه بالدعاء والا ستغفار وقيام الليل
والشمالي الشرقي تجيب راسه بالدعاء والا ستغفار وقيام الليل
الصفحة الأخيرة
بس ايش يعني شمالي شرقي