ابعطيكي ارائي من باب اني مهندسة:
1-البيت مره رايق بس انا انصحك بالنسبه للحديقة تكثري الزرع على يمين ويسار الأرجوحة وبمقاسات مختلفة وتحطي ارفف شكلها معتق عشان اتبين قديمه او مشغولة بحديد وتحطي عليهم شموع لون عنابي او كاسات قزاز جواها شمع، واكياس ورقية (قديمه) لونها بني تحطيها على الأرض تحت الأرفف مباشرة وداخلها رمل وجواتو شمعه صغيره وطاوله صغيره من نفس نوع الأرفف قدام الأرجوحه عشان لو فكرتي تشربين شاهي اعشاب سواء الحالك او انتي وابو الشباب بالليل والشموع مضاءة بتدعيلي بالليل والنهار.
2-بالنسبة للمقلط التحفه اللي يمين التلفزيون حطيها على الأرض تحت اللوح مباشره واذا عندك لوح خشب او نفس الفريم اللي معلق على الجدار حطيه تحت التحفة راح يصير حركه وبنفس الوقت يسند التحفه،والصندوق اللي تحت التلفزيون حطيه مكان التحفه السابقه وصوري المقلط وحطي صورته عشان نشوف التوازن البصري اللي حصل ولو عندك دبايه صغيره(نوع من انواع الزرع) حطيه بسبة خوص لونها زي لون الفريمات وماتكون عميقه بالرف اللي تحت التلفزيون بحيث تكون اغصانها بارزه بتطلع شي.
3-بالنسبه للصاله:
1-انتي حاطه 3 لوح فوق التلفزيون وبنفس الوقت حاطه اكسسوارات فوق الدولاب كذا غلط ياهذا ياهذا المهم انا انصحك انك تشيلي كل الأكسسوارات الموجوده فوق دولاب التلفزيون وترفعي الصور لفوق اشوي بحيث اللي قاعد قدام التلفزيون يشوف الصور زين.
2-الجره اللي جنب التلفزيون شيلي الطاوله اللي تحتها وخليها على الأرض مباشرة وزيديها اعواد خشبيه يكون مقاسها كبير بس ما يزيد ارتفاعها على ارتفاع دولاب التلفزيون ويكون لونها غامق .
3-انتي حاطه صوره وحده كبيره وباقي الجدار فاضي ،تخيلي انك جبتي لوحه ثانيه نفس المقاس وقسمتيها اربع مربعات بحيث تحطين 2 يمين و2 يسار بحيث ما يرتفعون عن اللوحه الكبيره ولا ينزلون ولو تجيبي اربع لوحات زي المحطوطين فوق التلفزيون وتسوين فيهم زي ما قلتلك 2 يمين و2 يسار بتعبين الجدار وبيكون مرتب ومتوازن بصريا بنفس الوقت .
4-بالنسبة لغرفة الكمبيوتر زي ماقالو البنات فيها اشوي زحمة نصائحي لك :
1-جيبي اربع ارفف من ايكيا لأن اسعارو مره رهيبه وارففو حلوه وشكلك تحبينه وحطي 2 بالجدار اللي فوق الصوفه اليمين و2 فوق الجدار اللي بالصوفه اليسار وادهنيهم عنابي نفس لون الستاره لأن الكنب مع الأبجوره والجدار ماخذين نفس الدرجات اللونيه وتحتاج لشويت حركه بنفس الوقت تحطين على الأرفف الأشياء الزايدة عن حاجتك بحيث تكون زي التحف جيبي قزايز حلوه ورخيصه ويكون لها غطا قزاز(تلاقينهم عند اخر فرصه الثنتين بعشره) وعبي فيهم الأشياء الصغيره اللي تسوي زحمه بالأدراج بتصير عندك تحف وبنفس الوقت رتبتي المكان وعبيتي الجدار وكل شي تبينه قدام اعيونك.
2-الأبجوره اذا قدرتي تغيرينها او تدهنينها لون عنابي نفس لون الستاره والأرفف بيكون احسن كذا بيصير في توازن بين اللون البصلي المزجود بكثره بالغرفه وبين اللون العنابي المضاف .
3-الآحظ انك من محبين طاولات الخدمه وبكثره اذا هم زايدين عن حاجتك طلعيلك 3 حبات حطيهم بالحديقه بحيث تصير وحده يمين الأرجوحه ووحده يسارها ينحط فوقهم شوية زرع من الحجم الصغير وعلى الأرض الزرع من الحجم الكبير والطاوله الثالثه قدام المرجوحه حق الشاي والقهوة وممكن تحطين فوقها مخده مربعه وتحطين ارجولك فوقها اذا اللي قاعدين على المرجوحه اكثر من واحد .
4-ممكن كما تشيلي الطاوله اللي بين الصوفتين بغرفة الكمبيوتر لأن احس انو مالها استخدام وتحطي بدالها ابجوره طويله من اللي يتوقفون على الأرض بيكون احسن.

اذا اذكرت او لاحظت شي ازياده راح اقولك وارجو اني ما أكون ثقلتها ورمضان كريم.

الله يبارلك فيه اختي النظافه شامتها لعندي>>>>>> احلفي

لا بسم الله عليكي بيتك حلو ورايق ومع الوقت الا مايصير تغير فيه من احسن للأحسن ان شالله

بالتوفيق عمري

ماشاء الله قمة الذوق والترتيب والنظافه الله يديم عليك نعمه ويجعل بيتك جامع لاحبتك ويجعل قلب زوجك سكنك وملجائك .

تتهني يا عسل

ماشاء الله لا قوة إلا بالله صراحه وايد حلو ...........
وأنا أجوف إن الاكسسوارات وايد تحلي المكان ................
بس لازم نعرف كيف انرتبها وفي أماكن حلوه وأماكن يبالها شوية ترتيب.............
الله يهنيج ويسعدج دنيا والاخره.....................

ما شاء الله ...

حلو وو .. بيتكم ..

ومنظم ..

بس الحديقه يبيلها زرع وورود اكثر شوي ..

وبتطلع شي ..

الله يهنيكم ويسعدكم فيه ..

لا واسمتج احلى واحلى...
اعشق البخور ..
باروح اشبلي بخوور ...