عطوني رايكم بتصرف ام زوجي ....

السلام عليكم


بنات انا عندي مشكله مضايقتني ومقهوره منها وابغى مشوره من خواتي الطيبات
عندي ام زوجي حرمه طيبه ودايم اروح لها ببيتها او هي تجي تزورني
الي مضايقني هي لما تجيني تروح تتكلم عني وعن اولادي وعن بيتي وعن حالتنا لبناتها


بناتها كانوا يجون عندي وفجأه كذا قاطعوني ولا يبغون اكلمهم ولا ارسلهم ولا شي ولاشي حتى مره اكلم وحده فيهم قالت خليني بحالي وش تبغين فيني طبعا تركتهم وقلت بكيفهم
المشكله ام زوجي لو تشوف شي عالطول تتكلم وتنقل كل اخباري لهم ولو اسأل عن بناتها تتضايق ولا تتكلم
لدرجة وحده منهم مادريت انها حامل لين ولدت ولو تشوفني حامل على طول تخبرهم ...


والي قاهرني زياده تقولي انت سبب القطاعه ومره وحده من بناتها تعبت قالت انت ماتكلمين وتحمدين لها بالسلامه قلت انا اصلا مادريت انها كانت في المستشفى


ام زوجي طيبه بس بناتها يأثرون فيها كثير وانا طيبه جدا اذا جت عندي ارحب فيها واجلس معها ولا ابغها تتضايق ابد


اتمنى تعطوني رايكم بالموضوع ...