عطوني رايكم بمشكلة صديقتي مع خطيبها

السلام عليكم بنات حواء
اقروا مشكلة صديقتي وكل وحده تحط نفسها مكان البنت وتكتب لي ردة فعلها وهل صديقتي معاها حق او لأ :

انا مخطوبة وكنت اكلم خطيبي بالجوال وهو لسانه معسووول مررررة وفوق هذا صريح مررررة
كان يسولف ويمدح ويتغزل فيني كالعاده مثلا(انا ماني مصدق متى نتزوج ودي اغمض عيني والقاك عندي وبين احضاني) الخ.. ,, لكن مع الاسف خربها وقال من ضمن الكلام (انا اكذب عليكي لو اقولك انك ملكة جمال انتي جمالك عادي ويمكن بعد اقل من عادي بس انتي روحك حلووة وفيكي حنان ماشفته بأي بنت والاهم جمال الروح لان الجمال الشكلي بيصير عادي مع الوقت) ووووووو << كمل غزل وعاااااادي ولا كأنه رمى قنبلة .... طبعا انا من وقت ماسمعت الكلام اللي باللون الاحمر سكتتتتتت :44: بقيت ساااااااكته وحسيت بقلبي الغصه وماني قادره انطق بكلمه ,,
وبعدها قال ايوة وينك حبي ليه ساكته ؟قلت له وانا الدمعه بمحجر عيني انت ماتحبني .. قال وهو منصدم وش تقولين انا ميت عليك , قلت انت ماتحبني لاني اساسا مو عاجبتك , قال ليش ومتى << الاخ مو داري وش السالفه وان الكلام اللي قاله بيأثر فيني نهائيا لدرجه انه حتى ماعرف وش اللي زعلني
بعدها قال زعلتي عشان قلت لك احب روحك ؟ .. انا سكتت ما رديت :44: ... بعدها قلت باي وسكرت في وجهه
والله العظيم جلست ابكككككي من القهر قسم بالله قهرني مت من القهرررر ذبحني
وارسل مسج كلام غزل في غزل واعتذار .. رديت عليه بمسج : في احد يقول لخطيبته انتي اقل من عاديه ليش شايفني كرسي ماعندي احساس ؟ دامك من هالحين مو مقتنع بشكلي الله يوفقك مع وحده غيري ... بعدها رد بمسج انا لو ماتزوجتك ماراح اتزوج نهائي ... وانا مارديت عليه ومرررررررة متأثره نفسيتي من الموضوع

معلومات عن خطيبي هو تاجر ولااااف كل دول العالم مابقت دولة مادخلها حتى جوازه ماعاد بقى فيه مكان للختومات يعني شايف كل الزين وفوق الزين بعد ,,, بس هذا مو عذر له انه يقول هالكلام لخطيبته وشدعوه ماعنده احساس وشذا والله نهائيا ماتوقعت يطلع منه هالكلام
بنات وش رايكم لو انتو مكاني وش بتسوون احس للحين قلبي صاير ناااااااار مدري وش الدبرة .


هاذي مشكلة صديقتي فديتها
انا قلت لها لو انه بجمال توم كروز بنقول مايخالف بس والله العظيم ان صديقتي احلى منه بكثيرررر وهي والله موب شينه بالعكس والله مملوحه بس الظاهر من عقب الشقر والعيون الزرق ماعاد يشوف احد حلو مالت عليهم من رجال مطلعين روحنا :mad: