shosha kuwait @shosha_kuwait

عضوة نشيطة

عطوني رايكم بنات

صباح الخير بنات شلونكم بقولكم عن حياتي الزوجية وابي منكم تقولولي هل هي طبيعية هذي الحياة او انا ابالغ وشنو الحل من وجهة نظركم .. بنات انا متزوجة صارلي 6 سنين تقريبا وبدش بالسابعة وعندي عيال اللله يحفظهم وزواجي كان بسرعة وفي موضوع وايد مهم ماكنت ادري عنه انه زوجي مو ميمع قبل الزواج واللي ساعده على مصاريف الزواج اهو ابوه ولما عرفت انصدمت وضاق خلقي بس طبعا سلمت امري لله وصبرت ومن البداية كان بينا مشاكل على هالموضوع ومشاكل ثانية وكان يمد ايده ويضربني خلال السنوات الاولى وكان يبرر انه انتي اللي تخليني امد ايدي واهلي كانو يدرون ويكلمونه الا ان وصلنا الى القضاء واني خلاص ابي اتطلق منه بس اهوا تأسف وتعهد اني ماراح يضربني مرة ثانية وانتهى الموضوع والحين يا بنات حياتي مملة معاه صرت اكرهه ومافي اي احتكاك بينا يعني حتى علاقة خاصة مافي واهوا كله يجابل التلفون مايسولف معاي مايكلمني الا للضرورة او بخصوص اليهال تعبت والله من هالوضع يعني عايشين في بيت واحد بس منفصلين عن بعض حتى طلعات يطلع مع اليهال ومايطلع معاي والسفرات مايسفر يقول ماعندي فلوس واذا سفرنا ياخذ قرض ويقعد عقبها سنتين عشان يسدد اللي عليه وهذي حياتي معاه والله مليت وتعبت بس عايشين مع بعض عشان مصلحة اليهال بس احس اني مو مرغوب فيني ولا يحبني ولايقرب مني ويقولي ماعندي مشكلة احقرج وما اكلمج حتى لو سنة ولايهتم فيني ولاحتى يسولف معاي زهقت

يلزم عليك تسجيل الدخول أولًا لكتابة تعليق.

تسجيل دخول

صغيرتي نور عيني 🌺 • 6 سنوات

معليش ما فهمت وش المشكلة في ان ابوه هو اللي ساعدة في مصاريف الزواج اغلب الشباب اهلهم يساعدونهم ولا صارت مشاكل و بخصوص السفر ماله داعي دام ما عندكم امكانية يعني بالعقل ياخذ قرض علشان تنبسطون كم يوم و يجلس يدفع سنين احسك سببتي لنفسك مشاكل من لا شيء

ريميه🦌.. • 6 سنوات

طيب انتي ليه حاطه يدك على خدك وتراقبيه
اطلعي تمشي سيري على رفيجاتج🌝
خلي لك كيان واستقلاليه مومقابلين بعض وزهقانين
انته لو تطلعي تنبسطي تجي نفسيتك عال العال ومبسوطه وتغني وتبوسيه كمان
النفسيه لها دور
من كلامك وواضح مستقعدتله وماتشوفي الا سلبياته وهو عاطيك بلوك من مخه وصلتو لمرحله الطلاق العاطفي وتبغينه يتغير خليه غيري نفسك اول اذا تغيرتي معه هو بيتغير معك
لايغير الله مابقوم حتى يغيروا مابانفسهم
اقري عن الطلاق العاطفي وحلول له وكسر الروتين وغيره تساعدك موفقه💋

shosha kuwait • 6 سنوات

ريميه🦌.. :

طيب انتي ليه حاطه يدك على خدك وتراقبيه اطلعي تمشي سيري على رفيجاتج🌝 خلي لك كيان واستقلاليه مومقابلين بعض وزهقانين انته لو تطلعي تنبسطي تجي نفسيتك عال العال ومبسوطه وتغني وتبوسيه كمان النفسيه لها دور من كلامك وواضح مستقعدتله وماتشوفي الا سلبياته وهو عاطيك بلوك من مخه وصلتو لمرحله الطلاق العاطفي وتبغينه يتغير خليه غيري نفسك اول اذا تغيرتي معه هو بيتغير معك لايغير الله مابقوم حتى يغيروا مابانفسهم اقري عن الطلاق العاطفي وحلول له وكسر الروتين وغيره تساعدك موفقه💋

طيب انتي ليه حاطه يدك على خدك وتراقبيه اطلعي تمشي سيري على رفيجاتج🌝 خلي لك كيان واستقلاليه...

والله يا اختي انا الحمد الله اطلع واحاول اغير من نفسيتي بس ماطلع معاه واهوا مايطلع كله قاعد بالبيت ومجابل التلفون او التلفزيون واذا انا ماطلعت اقعد اجابله بس كل واحد بصوب يعني مايسولف لو شنووو يصير بس يكلم اليهال واذا صارت الساعة 11 يروح ينام وانا اقعد بالصالة بروحي وهذي حالتي كل يوم

سجاياا34 • 6 سنوات

انتي اللي ابدي بتغيير حياتكم ابدي سوي قهوه وجيبي شوكولاتات وقهويه بعدها سوي سلطة فواكه واجلسوا سوا مع اليهال وكلوا وسعوا صدوركم وتعوذوا من بليس وبالنسبة للنوم انتي اللي بادري بالنوم جنبه تلقينه مشتاق لك بس يكابر انتي اللي بادري واحتسبي الأجر في الإصلاح ولم شمل الاسره بعدين تلقينه تلقائي يبادر بالعلاقه بإذن الله. وطبعا تعرفين اذا رجع النوم طبيعي والعلاقه طبيعيه رجع البيت طبيعي بإذن الله.. وعليك بالدعاء اللهم اجعله زوجا صالحا لي يحبني ويخلص لي ولا يمل مني ابدا وسخره لي وسخرني له رددي الدعاء وانتي موقنه بالاجابه مع فعل الأسباب.. وطبعا لا تنسين الشاور وتصفيف الشعر واللبس الزين والعطر بتشوفين كيف ينجذب لك... الله يوفقكم يا رب

shosha kuwait • 6 سنوات

صغيرتي نور عيني 🌺 :

معليش ما فهمت وش المشكلة في ان ابوه هو اللي ساعدة في مصاريف الزواج اغلب الشباب اهلهم يساعدونهم ولا صارت مشاكل و بخصوص السفر ماله داعي دام ما عندكم امكانية يعني بالعقل ياخذ قرض علشان تنبسطون كم يوم و يجلس يدفع سنين احسك سببتي لنفسك مشاكل من لا شيء

معليش ما فهمت وش المشكلة في ان ابوه هو اللي ساعدة في مصاريف الزواج اغلب الشباب اهلهم يساعدونهم...

المشكلة مو في ان ابوه ساعده المشكلة لحد الحين كل ما اقوله شي يقولي ماعندي فلوس واذا احتجت شي للبيت اقعد انطر على ما يشتريه يعني تخيلي موضوع الفلوس مأثر عليه وعلى تصرفاته معاي يعني حتى خدامة مو راضي اييب لي يقولي ماعندي فلوس , وهذا غير الجفاف العاطفي اللي عايشين فيه