ابا اقولك اني حاسه بالي انتي فيه يعني احس الحين بصعوبه نفسيتك ن كلامك
بس اريد اقولج بالفعل اذا تبغين تغيريين الوضع لازم توقفين وقفه قويه قدام نفسج
يعني انتي في وضع صعب الحين اول شي لازم تضغطين على روحج انج تسهرين كل ليله ساعه كامله تفرغينها للصلاة وقرائة القرآن والدعاء
لا تنسين تبحثين عن مواضيع عن الدعاء آدابه واوقات الإجابه وشروطه
بعدين في شي مهم انتي الحين مضايقه وحدج وما قدرتي تغيريين فيه شي
ما فكرتي تغيريين نفسج انتي يمكن يتحسن الوضع
وانا ما بقولج يمكن إلا اكيد بيتغير انتي جلسى مع روحج وشوفي شو الي ممكن تغيرينه
صدقيني كثيير من الزوجات يركضون في الاتجاه الغلط ويتعبون روحهم وبعدين يتحسرون على التعب الي تعبوه مع رجالهم ويندبون حضهم وهم كان لهم دور في هاذي المشكله
يعني ممكن انتي تكونين غير جذابه في اسلوب تعاملج معاه ممكن كلامج معاه ما يجذبه
انا ما اتهمج لا انا احاول اساعدج بالتفكيير
لا تقوليلي بالعكس انا البس انا احترمه بالكلام .............. الخ
انا اقولج يمكن هاذا مو الي يبيه يعني ابيج تسوين حقل تجارب في روحج اول ابدي بالعطور هل اذا حطيتي نفس الريحه كل يوم بيكون هاذا شي حلو بالنسبه له ولا التغيير يعجبه بعدين اللبس شو يحب الشعر الكلام الدلال المعامله يعني غيريي الي ما توصلين للشكل الي يخليه يترك الي بيده ويجابلش وانا بقولج شي لا تنتضرين انه يمدحج في شي ولا تسويين الي تحبينه لا لان اذا مدحج بيكون مجامله لج او تسكيت حاولي تبهرينه يعني تخلينه بالفعل يطالعج انتي مو غيرج
وابا اقولج شي الرجال ذات نفسه مثل الطفل يعني ممكن يقولج سوي كذا احسن بس هو مو بالاحسن بالفعل يعني باختصار هو ذاته ما يعرف الي يبيه بالضبط فلازم انتي تكتشفين
بعدين طالبي بحقوقج لا تسكتين عنها يعني انتي تربين عياله ممكن تخلينه يوديهم يوم بالاسبوع لجدته عشان ترتاحين شوي وخليه يجيبلج شغاله مربيه عشان تساعدج بس لا تنسين انهم مالهم ذنب وانهم مو بيدهم انهم يعيشون بعيدين عن امهم
يعزيزتي في اشياء تكون خفيه في الحياة الزوجييه حتى عن الزوجين ذات نفسهم تكون سبب رئيسسي في تدميير علاقتهم حاوليي تبحثيين عنها وتتعمقين بالتفكير واطلبي ان ربي يهدييه ويهدييج لان تكتشفين شو الي بيصلح الي في قلوبكم على بعض

أولا اشكر كل اللي تجاوبت وياي والله يجزيكم كل خير ان شاء الله ويسعدكم دنيا وآخره ياربي حسيت في حد متجاوب وياي ...

واللي ايقولون ما كنتي اتعرفين انه كان مشغول قبل لا تاخذينه كنت اعرف انه شغله الكمبيوتر بس مب لهاى الدرجه وكنت احبه كنت مستعده اكون وياه وما زلت بس ايخوني هذا اللي جارحني .