عطوني رايكم يابنات في مشكلة أمي

صباح الخير


أنا عندي مشكلة من وانا صغيرة اشوف الكره بعيون أمي تضربني تشتمني



في مرحلة المتوسطة بدات تتفجر عندي مواهب من ضمنها الشعر ال****د القراءة شاركت بالاذاعات

وفي الجنادرية وفي مركز الملك فهد الثقافي


كنت اموت في شي اسمه قراءة



وكنت طول اليوم وانا ماسكة كتاب واقرى لكن للاسف أمي ماكانت تناديني الا مريضة نفسيا عشاني جالسة في الغرفة واقرى ودايم تقولي انتي مثل الكلب تنعزلين لحالك


وامي تدري اني قاعدة أقرى شي ينفعني بس ماادري ليش تبغى تشتمني وبس


كانت شخصيتي هادية وخجولة والكل يمدحني



وانا احب الطبخ وبديت من مرحلة المتوسط وانا اطبخ



وصراحة انا ماحب حوسة المطبخ وانا نضف المطبخ تنظيفي مايعجب امي وهذي مشكلة وكل مالها تتفاقم مع امي




حنا بيتنا كبير واخواني ماشاء الله الصغار حركين ويحوسون مره



ودايم تهاوشني عند المطبخ تبغاه زي المراية يوميا وانا فيني فقر دم ونقص فيتامين دال



وانا انضف المطبخ بس مو مثل النظافه الي هي تبي

وانا مع الشغل تجيني دوخة لكن امي مو مقدرة هالشي



ودايم تمدح البنات وتسبني بنت فلانه احسن منك قرمة وتطبخ وتنفخ وهالبنت تطلع امها تسبها قدام امي



لكن مادري ليش امي قاعدة تسوي فيني كذا



دايم لاعزمت جارتها تطلب مني اسوي لها معجنات وحلويات وابدع في هالشي



واحيانا اصير يوم كامل وانا قاعدة اشتغل عشان ابيض وجهها




لكن ماتشوفها وماجلس معها نسولف ولا ماتجيب لي سالفة هالمطبخ وانا رمه ووسخة




وانا يبنات انظف المطبخ لكن امي زي المراقب تحب تترقب اي شي اسويه وتطلع عيوب



والله يبنات انا في الجامعة ونفسيتي دمار من امي



وتغيرت شخصيتي صرت اراددها في الكلام طبعا بشي حق يعني اسويلها شي وتنكره


وتكذب عيني عينك واضطر اني ارفع صوتي عليها ادري انه عقوق لكن وش اسوي



نفستي دمرت منها حتى اذا جت تناديني تدعي علي طيب ليش؟




قبل شوي صارت مشكلة بيني انا وياها عشان سالفت المطبخ برضو ودعت علي وقالت ان شاء الله تلقينها بنتك بكره عشان النظافة مو مثل ماتبي هي ؟



واقسم بالله نفسي اموت وارتاح منها احسها مو ام





بنات تكفون انصحوني و وش اسوي وربي اكتب وانا ابكي




يامشرفات طلبتكم لاتنقلون الموضوع ابيه بالعام عشان أكثر مشاهدة