عطوني رايكن بهذ البيت

الأسرة والمجتمع

السلام عليكم خواتي أبغا أخذ رايكم 
لأني من كثر التفكير معاد أفكر بالصح والغلط
سالفتي ياخواتي أنا متزوجه لي عشر سنين ومعاندنا الا بيت اجار ساكنين فيه طبعاً قاعدين نحتري يطلع القرض العقاري عشان نبني بيت
أملنا علا الله ثم عليه ومابقا ألا ثلاث سنين يطلع أن شااءالله قدر الله أن زوجي عرض عليه واحد من أصدقائه بيت اهله يشتري قال صديقه أبوي بيبي يبيع البيت عاد مكان في بالنا نقسط ولانشتري بالصدفه قال زوجي لصديقه تبيه أقساط 4000شهرياً قل لبوك زوجي قايل كلام كذا ماتوقع ان ابوه يبي يوافق البيت قديم يعني عمر البيت 27سنه ومسوا له ترميم المهم الشايب يعرف زوجي يعني يسولف معه وكذا المهم ان الرجال قال ترا ناس يبونه كاش وأنا عطيتك أياه يعني بالأصح باره يبغا زوجي يسكن
المشكله زوجي قالي وقلنا عادي نقعد فيه لين يطلع القرض ونبني علا راحتنا أذا طلع قرضه
ونبيع البيت هذا ونسدد فلوس الرجال
المهم قلت لأمي وسكتت ماقالت شي
ووبعدها بكم يوم قالت أنتي مهبوله ترا زوجك بيضحك عليك بيخليك في هالبيت القديم وش له ترضين فيه ومن هالكلام وأنا أنزعجت في نفسي حقرتني وخلتني ماأسوا لاترضين فيه وقولي ميد زوجك بيع البيت هذا وأبني لنا بفلوس البيت هذا
تبين تضحكين الناس عليك خليك في الأجار لين يطلع قرضه لاتطلعين المشكله فشله أنا نبيع البيت ونبني بيت والرجال معطيه زوجي يعني مبرتن فيه 
اأحسها سماجه منا كنا نضحك علا الرجال
المشكله كلامها يتعبني ومحب أحد يقولي نصايح
ويحط زوجي بيضحك علي وأنا ماأفهم فهمتها الكلام بس قالت خلي كذب زوجك يضحك عليك ودايم نيتها شينه
طولت عليكم بقصتي أتمنى تتحملوني وتعطوني رايكم هل اني يوم رضيت أني غلطت لأن البيت قديم لأني ساكنه باأجار وكل شوي نطلع من بيت في بيت وقرف مايعلم فيه ألى ربي بصراحه أنا أقول أبغا لي بيت لو أنه قديم لي ولعيالي بصراحه مااأظمن الدنيا والأعمار بيد الله بس فيني خوف مهوب طبيعي علا نفسي وعيالي ماأبغا أعيش بغير بيت لي الحالي يعني بصراحه أخاف يصير علا زوجي الله لايقدر بعد عمر طويل أني أرجع بيت اأهلي وكل وحده تعرف هذا الشعور والأحساس بعدم الأمان لأني مانيب موظفه ولاشي
ريحوني وقولوا لي أرائكم بصراحه لأني مشوشه التفكير وعذراً علا الأطاله
25
3K

يلزم عليك تسجيل الدخول أولًا لكتابة تعليق.

تسجيل دخول

فن المذاق
فن المذاق
والله ياحبيبتي محد حاس فيك واذا بيت ملك قديم يسوووووى مليون بيت ايجار اهم شي يضفك انتي وعيالك بعد عمر طويل الله يخلي لكم ابوكم ....ماعليك من كلام احد ولو كانو اهلك انتي الي بتسكنين فيه والا هم ؟ ثانياً عصفو بااليد ولاعشره على الشجره يعني وش ضمنك هالقرض ينزل بعد مده ولو نزل يمكن يكون لاقدر الله تحتاجونه بشي ثاني وممكن تاخذونه ترممون البيت هذا ويطلع اخر حلاوه ويمكن تبنون فيه يعني اكسبي بيت لك ولعيالك وماعليك من حكي الناس والله يقدم لكم الي فيه الخيررر ويااختي ترى البيت في هالززززمن من الخيال فكررري واستخيري والله يعينكم
الدرة 20
الدرة 20
لا منتي غلطانه اشتريه الحين واسكنوا واذا طلع قرضكم بيعوه وسددوا الرجال واشتروا بيت او خذوا ارض وابنوها عل كيفكم احسن
الله يوفقكم وييسر امركم
الحلاوبس
الحلاوبس
نصيحه خذو البيت اولا ماتضمنين القرض يطلع لكم يمكن يتاخر ثاني شي بيت ملك اضمن لك واذا فتحها ربي عليكم اطلعو بس على الاقل تامنين مستقبل عيالك على لاقل يكون عندكم بيت واعرف ناس كثير اخذو بيوت قديمه وعاشو فيها على الاقل احسن من الاجار
زهوووور الامل
استخيررررري والله يكتب لك الي فيه خيررر والبيت الملك مااافي مثله
rzan99
rzan99
يعني زوجك لو قلتي له مانبيه بيرضي
على حسب زوجك
انتي تعرفيه
هل يحب الشي الجديد
هل من النوع اللي مايهمه الدين
هل عنده طولة بال وصبر على البناء والتقسيط
وزوجك وش وضيفته هل حكوميه
ردي على اسألتي حتى تعرفي راي