عطوني شوركم الله يخليكم

السلام عليكم

انا في حيره من أمري والكل يضغط علي بس عشان اوافق
تكفون ساعدوني

انا بنت عمري 36 سنة موظفة وادرس في الجامعة وقتي ضيق جداً حياتي مبرمجة كالتالي :
اقوم الصبح الساعة 5 صباحاً
وبعدالصلاة والفطور اذهب للعمل الي الساعة 3ونصف العصر
بعدها مباشرة اذهب للجامعة إلى الساعة 8 مساءاً
ارجع البيت الساعة 8ونصف أو تسع الا شي

اكون في هذه الحال تعبانه جداً وادور بس على الفراش بعد ما اتعشى واصلي واخذ دش يعني انام تقريباً الساعة 10 ونصف او 11 الا شي

بالله عليكم في رجل في الدنيا يرضي او يقبل بالزواج من وحده مشغوله ولاهيه في حياتها بهذا الشكل .
انا وين اقدر اتفرغ للزوج وألبي طلباته االا منتهية اذا كان كل يوم محصور في العمل والجامعة

مشكلتي ياأخواتي انه قد تقدم لي رجل طيب وابن حلال وسمعته طيبة بين الناس - ارمل - وعنده اربع عيال كبار شايلين حالهم وحالته المادية جيده وقادر على فتح بيت زوجي جديد

اهلي قابلين به وراضين بس المشكلة فيني اخاف من باجر ما اقدر اوفق بين العمل -الجامعة - الزوج وطلباته وطلبات البيت

انا مو صغيرة ادري بس بعد مو قادرة اتقبل فكرة الزواج في الفترة الحالية لأن بعد علي 3 سنوات ونصف على التخرج

بالله عليكم شوروا علي
جزاكم الله خير