خير الكلام ما قل ودل هالعطور انا مجربتهم شخصيا وبعطيكم رايي فيها ويا الشرح بأذن الله
هالموضوع كل شوي بحط دفعه من العطور مع الشرح ورايي بالعطر بيكون متجدد بأذن الله كل يوم شي يديد
نبدي بعطري اللي حبيته من اول شمه من جيرلاند
وريحته بوووووووودر وبارد جدا للي يحب ريحة النظافه والبودر بيعجبها
وفيه منه مدور حلوو وانا يعجبني اللي فوق لانه بودر اكثر
من ديووور عطر بويزون الابيض ترا شهادتي فيه مجرووووووحه هادي العطر وايد وباااااااارد وراقي احبه حيل
واللي يجربه مايقدر يخليه وبيصير مدمن
من كارتير خطير هالعطر وكششششخه ورزه وريحته بارده ومميزه
هالعطر حييييييييييييييل راقي ومميز ومايعجب كل الاذواق اللي تحب الثقيل والقوي بيعجبها وانا بشتريه بالعيد سبحان الله كل ما ابي اشتريه يروح عن بالي واذا بحاسب عطر اتذكره واقول المره اليايه وهكذا بس بنات مايتطوف
هذا اسميه عطري يميزني عن غيري دايما احطه واي احد يشمه يقول هذي سالي لاني ادمنت عليه فتره ومن كثر ما ادمنت عليه احبه حيييييييييييييل ودايما اشتري واشتري اللوشن لانه خطير ماقدر اقول غير عطري المميز
في عطر دايما احطه للزوارات الكشخه حييييييل يعني اذا كنت وايد كاشخه ورايحه مناسبه احب اتميز بعطر وهالعطر ينفع للاشياء الرسميه وانا اسميه عطر الرزه والمستوى الراقي واهوا كوكو من شانيل شوفوا بنات لا يختلط عليكم الاسماء هذا بس كوكو يعني مو كوكومودمزيل لااااااااااااااااااااا هذا كوكو شانيل وصورته بالظبط مثل اللي بحطها لون العطر يصير على اورنج ومكتوب عليه او دو بيرفيوم يعني مركززززززززززز وقوي وغالي لا تاخذون اودو تواليت يكون مخفف
فاللي تبي تصير شخصيه وريحتها ماكو منها تحطه وتدعيلي وانا اتحسف احطه بكل مكان فأخلي للمناسبات
من جفنشي هالعطر عطر الشتا لاااااااااااااازم اذا صار شهر 10 بدا البراد اطير اشتري واحطه ودايما يذكرني بالشتا والمطر ويا ريحة المطر بيصير العطر تحفه والحلو فيه الكل يسألني شنو عطرج؟ ووايد احبه وكل ماسافر اخذ من السوق الحره اثنينا لانه ارخص هههههههههههه واخشهم للعيد لانه بالسوق عندنا ب26 دينار وبالسوق الحره ب21 دينار يعني اوفر 5 دنانير احط فيهم كرت للتلفون ههههههههههههههههه
كل بنت بالشتا تشتري وانا بشتري من الحين اخاف يخلصونه البنات
تحبين الفل؟ تحبين ريحة الفل والريحه المركززززززززززه والنفااااااااذه والراقيه
مالج الا هالعطر وايد حلووووو ويعجب اللي تحب الفل والقرنفل
بنات تعبت وانا اكتب وانزل صور كله لخاطر عيونكم وعشان بعد اليوم مابي اشوف وحده تسأل ابي عطر مميز العطور اللي بحطها واااااااااايد يعتبر موسوعه وكل شوي بنزل عطور وبليز بنات مابي احد يحط صور عطور ويشاركني مو عشان شي بس هذا جهدي وانا بجتهد بروحي وعشان البنات لايظيعون ويصير الموضوع بازاااااااار
انا هذا رايي بالعطور رايي الشخصي يعني ممكن يعجبني مايعجب غيري وانا بحط لكم عطور ماعجبتني ومنها اللي تعرف ذوقي بتحب عطوري واللي ماتحب ذوقي بتعجبها العطور اللي ماعجبتني ههههههههههههههه شرايكم فيني وانا ابسط السالفه
يالله ناطره رايكم بالموضوع عشان اكمل لكم عندي صور عطوووووووووووووووور وايده
تقريبا ذوقي نفس ذوقك بالعطور
اللي انا احبهم كوكو شانيل وكارتير وفرساتشي
بعد بنصحك تجربين ميد نايت من ديور نفس شكل اللعبه اللي فوق ^^^ بس لون العلبه كحلي
يالله شي مو طبيعي هذا بعد ينفع للرزه والكشخه
تقبلي مروري
وتسلم يدك مره ثانيه