عطووووني حل سااااعدوني

يمكن عندك غده درقيه كسلانه لانها هي المسؤوله عن النشاط والحرق

ياعسل ادخلي حسابهم بتويتر وتلقين وقم المنسقه تواصلي معهم بس احسهم غالين
وزنك بصراحه كبير ١٩٠ 😬
غريبه ماسوو لك تكميم بمستشفى حكومي ؟!

نصيحتي لك تبدأين بدايت حول السنتين ينزل كل وزنك بس خلي ارادتك قويه
في وحده اجنبيه وزنها 500 صارت 90 ومستمره بالدايت الاجانب مو احسن مننا
بس الاراده تصنع المعجزات والله يوفقنا وننزل انا تقريبا لي سنه الخبط بالدايت بس نزلت 13 كيلو ولو اني مستمره كنت نزلت 30 كيلو
شدي حيلك وعطي نفسك اراده وشجعي نفسك

190 كثير والله يمكن انك غلطانه بالرقم
في اثنين من قرايبي سوو تكميم وماشاء الله شكلهم تغير وصغرو

عزيزتي لازم تتأكدين من سلامة هرموناتك مثل الغدة الدرقية, الأستروجين,البروجسترون,التستوستيرون,
الكورتيزول,الأنسولين,FST, LH
وفيتامين دال والحديد ومخزون الحديد لأن أي خلل فيهم راح يزيد الوزن أو يثبت
والتكميم ما انصحك فيه من مضاعفات العملية ومخاطر التخدير والترهل على المدى البعيد
لأني شهدت على حالتين توفوا وأربع حالات ترهلوا بشكل مفجع مو بس الجسم كذلك الوجه وأعطاهم ظاهريًا عمر أكبر
ولو حسبتيها صح راح ترجح كفت النظام الغذائي الصحي والرياضة على التكميم
لأن بعد ما تجرين العملية وتطلعين منها بالسلامة بيعتمد أكلك على السوائل
لمدة شهرين أو اكثر وفيه أكلات معينه ما راح تناسب وضعك الصحي
لكن بالحمية الصحية كلي اللي تحبين بكميات بسيطة
ونزول الوزن بعد التكميم سريع وأحتمالية ترهل الجسم كبيرة فلازم تجارينها بالتمارين المكثفة
عشان يشد جسمك والا دخلتي في دوامة عمليات الشد
لكن بدونها نزول الوزن بيكون في معدله الطبيعي والرياضة تمارسينها وقت ما تبين
من غير ضغوطات نفسية وبيشد جسمك تدريجيًا
وأصرفي طاقتك من شيء سلبي لشيء إيجابي مثل الرياضة وخلال سنة وكم شهر بمجهودك وأصرارك
بتوصلين لهدفك بإذن الله.