قيود لازم تشخيص طبي
يعني ايش سبب نحفها ؟!
ولا تعطيها ابدا اشياء تسمن
خذي لها مكملات غذائيه
اكليها موز وبطاطس مسلوقه ونوتيلا وفول سوداني
هذي اشياء تسمن



هذي الفيتامينات ممتازه وحليب انشور ممتاز يزيد الوزن
لكن لازم الدكتور يحدد لك كم مرا تاخذ الفيتامين والحليب حسب طولها ووزنها وعمرها
واذا يناسبها او لا
ع الاقل اسألي الصيدلي
لان زيادة الفايتمن مضره
والله يخليها لك ويسمنها بالصحه والعافيه 💕

لولوو.. وديتها دكتور.. نفس كلامك ماعطاني فيتامينات قال .. عطيها آكل افضل من غيرة...
وزنها ناقص 10 كيلو عن الوزن الطبيعي... ولاتحب الأكل إللي يسمن يعني رز
مكرونيه.. الطبخ كله ماتحبه..
وإذا ذبحها الجوع طلبتني ساندويش جبن مع شاهي بس ولا عصير..
وتقعد عليها كم ساعه وهكذا.. كل يوم انا وهي على هالموال..

قيود كم عمرها بنتك


مررررا كثير 10 كيلو
ماينفع حرام اغصبيها ع الاكل
لازم 3 وجبات باليوم
خلي حليب الصباح ضروره
لا تنتظري منها توافق او ترفض
هي طفله يعني ماتميز مصلحتها
انتي هذا دورك كأم
حاولي اذا تكره الحليب عوضيه بالمنكهات
حطي شوكلت حطي فانيلا
المهم ان وجباتها تجمع كل العناصر الغذائيه
جيبي لها فاتح شهيه لفتره بسيطهة
واجبريها ع الاكل الصحي
وشوفي الفيتامينات اللي حطيتها لك من وصفة طبيب وممتازه
واسألي عن حليب انشور موجود منه نكهات
وزنها ناقص كثير لازم توصل للطبيعي
لا تتعرض لامراض وفقر دم وتضعف مناعتها بسبب قلة التغذيه

عمرها 5 سنين ونص... مشكلتها عنيدة بشكل موطبيعي وكلامها يمشي
وابوها يعزز لها ومكبر راسها..
الحليب مااتحبه من كانت رضيعه ..حتى حليب النكهات ماتحبها.. تحب الببسي
ميرندا الخرابيط هذي..

اقولك امس رحنا السوق المول ولعبت لعب كثير.. واكيد بتجوووع وتطلبني
رحنا المطعم وطلبت لها وجبه اطفال .. عيت صياح بس شربت عصير مثلج..
كرهتني وسدت نفسي ..حتى انا..

من جدك بيبسي وميرندااا
لا حررام والله كذا تمرض من سوء التغذيه
خلي تفاهمك الاول مع ابوها
فهميه ان هذا مو حب لما يعزز لها الحب انه يهتم بصحتها ونموها وغذائها
واكسري العناد اللي فيها قدامك كل القواعد تكسر انتي امها
لا تكبر وعنادها يمشي عليك لانك بتتعبي جدا اذا كبرت
اتفقي مع زوجك على نظام معين ولهم يوم بالاسبوع شربيهم بيبسي واكليهم اللي يبغو
لكن كذا صعب صحتها تتدمر
ولاتنسي البنت وراها بلوغ وفترة البلوغ تهلكها لو استمرت على هذا الاسلوب

شوفي بنتي عمرها 4 ماتطيق الحليب
بس غصب تشربه وتعودت
احطه لها مع كورن فليكس احيان افت لها خبز او توست وتاكله
اشربها لبن المهم تشرب
البيبسي والعصيرات الملونه ممنوعه منعا باتا
اول الايام عذبتني خصوصا انها ماكانت تفهم
وكانت تشوف الاطفال يشربو وتبغى
الحين تعوودت لها عصيرها
الحين هي بفترة بناء ونمو
لازم تغذيتها تكون سليمه والا بكرا حتى عقلها بيتأثر
لان العقل السليم في الجسم السليم
لازم يوميا حليب او لبن
عصير طازج او فواكه
سلطة خضار واي اكله تحبها
المهم فيها دجاج او تونه او بيض لحوم وبروتين
ما احرمها من شي كل شي متوفر بس ادور الشي الصحي ومستحيل اتنازل عن الوجبات الرئيسيه والمكونات الصحيه
انتبهي لها وغيري كل نظامها
الله يحفظها يارب