السلام عليكم ورحمة الله وبركاتة
مشاالله ولاحول ولاقوة الابالله
مشاركة في المسابقة أسفة نسيت أكتبها على الموضوع
ممكن تعدلون لي الموضوع يامشرفات ياحلوات
صراحة أول مرة أسير عليكم في هالقسم
أنا جيتكم من قسم كله ريحة البصل والثوم والقلي ههههه
من دخلت وأنا أدوخ من الريحة اللي تجيب العافية
شفت الاعلان قلت خلني أشارك
وأن شاء الله يعجبكم ذوقي البسيط في العطور
مودي صراحة على حسب
نهاري أحب البارد اللي على ريحة البودرة
أما المسائي أحب الفرنسي على شرقي
نظامي عادي
أتروش بعد المطبخ وريحة
بالنوعية
أولايه وكامية صراحة أحب هالنوعين
وبعدها أدهن جسمي بزبدة الكاكاو والشياء من فازلين روعة
بعدها أحط مزيل العرق مخلوط شوي سودو كريم
وأحط سودو كريم على المسافط
ييخف كثير من روايح العرق ولايسود المناطق الحساسة
بعدهابودرة بيوتي فل مستحيل أستغني عنها تذكرني ببداية زواجي
بعدهاأحط المسك الابيض أو مسك الختام على مواطن النبض
وأبخ رشيتين جوفان مسك
هذي أيامي العادية
أما أذ كان المزاج رايق
أحط خمرية عبد الصمد القرشي روعة تقعد أسبوع في الشعر حت لو تروشت
كل مامسحت على راسي للوضوء فاحت الريحة
الاولى مادري وش أسمها بس دايم أخذ التولة ب500
وفية الشامية بعد شي لايوصف
أستخدم
مس مي
أو نعومي كامبل
حلو للأوقات العصرية ريحتهم على بودرة
أما عطوات المساء فيه عطر نارسيزو الوردي
شي فوق الخيال
أما للمناسبات
كلوي الرمادي مع كم بخة من عنبر أخذ من لوكستيان
الكل يسأل عن عطري
ودهن العود الشيخ سعد مأقدر أقول شي روح شموه وأحكمو من عبد الصمد القرشي
أما البخور ومأدراك ما البخور
شي مأستغني عنه يوميآ
الاول وبلا منازع
مياسة للمناسبات أخذ من الجناح القطري من المعارض الدولية والله يا بنات يقعد ريحة أسبوع في المحل
والعلبة اللي غطاها موف وأستخدمها يوميآ ريحتها رايقة مرة سعرها يجنن 30 ريال بس
وفيه ها أخذته من ياس دخون ملكي
بس والله مياسة أطلق مليون مرة منه
أتمنى أني ما ثقلت عليكم بزيارتي
دمتم في حفظ الرحمن