روز’
•
.’
ماشاءالله
موضوع مكتمل من جميع النواحي
تسلم يدينكِ على الاختيار الرائع
بجد يستاهل النقل
والله يحقق لكِ اللي في بآلكِ
.
الصفحة الأخيرة
بالنسبه لترتيب الشنط
اتبعي بعض هالنقاط التاليه ..
1)) اشتري الشنط اللي راح ترتبين الملابس فيها بأحجام مختلفه ( شي مخصص لملابس الطلعه وشي للميك اب وشي للجزم ... وهكذا) وخلي شراء الشنط بعد ما تنتهين من كامل التجهيز.
2)) اشتري من الاكياس اللي تنحط فيها الملابس ولها سحاب ( مثل حقت فستان الزفاف او البعض يشترونها عشان يعلقون الملابس الفخمه عندهم بالدولاب بدوزن ما تخرب ) يعني لها علاقه وبتلا قونها في اكيا باسعار حلوه .
3)) خصصي لك يوم كامل لترتيب الشنط وممكن تعزمين صديقتك المفضله او كذا صديقه لك عشان يرتبونها معاك وتتسلو فيها ويفضل قبل الزواج بمده كافيه لسببين عشان ترتاحين من التجهيز وتتأكدين انو خلاص ما بقي على التجهيز شي وتتفرغين لاشياء ثانيه ثانيا عشان تتركينها فتره فما تملين منها وبعد الزواج اذا شفتيها تتذكرين ايام التجهيز صدقيني بتحنين لها الايام.
4)) ممكن قمصان النوم والملابس الداخليه ترتبينهاترتيب خاص مثل تشترين اقمشه اورجنزا او تل بنفس الوان قمصانك وتروحين الخياط وتخيطينهم مثل شنط العبايه يعني مربع مفتوح فقط من جهه واحده وترتبينهم داخلها كل قميص مع اللون اللي يطابقه وتنثرين جواتهم ورد مجفف ولا تنسين تدخلينهم قبل ما تعطرينهم وتكوينهم ,,
5)) اما طقوم الملابس الداخليه ممكن نفس طريقه القمصان او انك تشترين لها علب هدايا(بحجم الكتاب الكبير) بالوان جميله وتعطرينهم وترتبين كل طقم في علبه خاصه .
6))بالنسبه للعطورات اول شي تفكينهم من كراتينهم وبعدين تشترين لك صندوق خشبي وياليت لو يكون ارتفاعه مو عالي مره ومساحته كبيره شوي وتشترين قماش حرير وحطينه بداخل الصندوق بشكل عشوائي وترتبين العطور بالداخل يعني تسدحينهم برضوه بشكل عشوائي وممكن بالنهايه ترمين عليهم فصوص او كرستالات .
7))ممكن الشنط تخلينها بس للملابس الرسميه وما تشترين باقي الطقم وتشترين علب هدايا من الاحجام الكبيره وترتبين فيها اغراضك .
ملاحظه .. اذا بتروحون للفندق جهزي لها شنطه خاصه ( اذا تبون تفصيل ما عندي مانع ) بس اهم شي خلي عندك مبلغ من المال في السفر يمكن تحتناجينه لو صار شي لا سمح الله واذا بتطلعين برى الدوله لا تنسين ارقام السفارات وارقام كل اهلك بنوته خاصه وبالجوال احتياط والله يوفق الجميع
8)) الفكرة في بالي وبسويها وكل وحدة تسويه بطريقتها بقولها لكم دحين :
اهو الله يسلمك صندوق كبير شي او متوسط الحجم يتزين بالورود او باي طريقه يفضلونها وينحط في النص المصحف الشريف وعلى جنب تحط كتب ومطويات من الصغار فيها ادعية واذكار واحاديث وعلى الجنب اشرطة محاظرات دينية واناشيد دينيه واشرطه القران تشتري للقاري اللي تحب صوته وترتبها باسلوبه ويروح مع الشنط لمن اهلها يودونها وتحطه في غرفة الجلسة اللي فيها التلفزيون والمسجل واذا كانت تشتغل تتسمع عليها او تقراها اذا كانت فاضية..
وبعد في ايام شهر العسل تكون في شنطتها بعض المطويات الصغيرة اللي فيها ادعية واذكار لا مو طول الشهر واهي تسولف معاه بتجي لحظات تتقرب فيها من ربها تكون معها احسن..
الاشياء اللي لازم تسوينها قبل زواج بيوم
اول راح اتكلم عن اسبوع قبل الزواج. تكثفين العنايه بجسمك وبشرتك وشعرك من خلال الخلطات والترطيب الدائم للجسم والاكثار من العصائر.
قبل الزواج باسبوع تقصين شعرك وتصبغينه لان اللون يحلو اكثر بعد مرور اسبوع وخاصه الهاي لايت وعشان يمديك ترطبينه بعد الصبغه بالزيوت وحمام الزيت .
قبل الزواج بيومين ( يعني اذا زواجك الاربعاء يكون الاثنين تروحين للمركز وتسوين حواجبك تشقير طبعا وليس نتف +بديكير ومناكير +فتله للوجه او شمع او تشقير + تنظيف بشره + حمام زيت للشعر
وروحي من بدري عشان يجي المغرب وانت خالصه .
بعد ما ترجعين تكونين متفقه مع وحده تجي تشيل لك حلاوه وتنقش يدينك.
اليوم اللي قبل العرس..
الحمد لله انتهيتي من التجهيز ومن نفسك وفعلا راح تحسين انك عروس ونظيفه ونضره
1) حاولي تصحين بدري لعل وعسى تنامين باليل بدري
2) صلي ركعتين واقرأي القران وادعي بكل شي نفسك فيه
3) اليوم يوم راحه المفروض كل اهلك يخدمونك لا تجلسين فاضيه عشان ما تفكرين كثير اعزمي صديقاتك اللي تمونين عليهم عشان يقضون اليوم كله معك.
4) لا تنسين الاسترخاء وبدل ما تشغلين موسيقى شغلي قران
5) ممكن تروحين مطعم رومنسي تتعشين فيه او كوفي شوب المهم ما تفكرين كثير عشان ما يجيك قلق وتوتر .
6) لو اتعبك التفكير تذكري انه ماله داعي الخوف لانه احلى يوم بيمر عليك وتذكري انها ساعات قليله وتمر وتبقى ذكريات حلوه ان شاء الله .
7) لو ما جاك نوم بالليل بدري على طول وضوء + صلاه + دعاء ( بنات كثرو من الدعاء يمكن ربي كاتب انك ما تتوفقين او يصير شي يخرب العرس وبدعائك يتغير القدر لان الدعاء والقدر يتسابقون الى السماء واذا سبق الدعاء القدر يزول القدر )
وبالتوفيق لكل العرايس
لنا عوده
دعواااتكم لأني محتاجتهاا