عــــــــرووســه وخلصت جهازها او متزوجه ادخلي وافيديني تكفين

بنـــــــــــــــــــــات وينكم

مرحبا حبيبتي
شوفي يالغاليه
اول قمصان النوم خذيلك على الاقل 10 قمصان
ومعاها بيجامتين حلوه لو نمتي عند اهلك او اهله او مثلا خرجتوا مع بعض لمكان ونمتوا فيه
ملابس البيت والقصير واللبس الدلع لا تكثرين منه يعني شورتين وكم بلوزه وكم تنوره قصيره حاولي ما تكثرين لانك عروسه واغلب الوقت حتكونون طالعين
الملابس الداخليه شوفي الالوان اللي انتي تحتاجينها فقط فقط فقط
لان راح يتغيير مقاس صدرك بعد الزواج فحاولي مثلا تاخذيين الاشياء الاساسيه

ملابس الخروج
خذيلك مثلا اذا انتي من الناس اللي يحبون الفساتين القصيره خذيلك 8 فقط او اقل
واذا كنتي مثلا تحبين الطويله 4 فقط
واذا التنانير القصيره مع البديهات 4 فقط
يعني ملابس الخروج اذا كنتم من اهل العزايم كل يوم عند احد كثري شوي منها اما اذا كنتم لا فخذيلك 6 او 8 فقط

الجزم والصنادل والشنط لا تاخذين الا اللي تحتاجينه شوفي انا لي فتره متزوجه ولكن للاسف بعضها الله يعزك ما لبستها ابد فخذي الالوان اللي انتي بحاجتها

المكياج حسب ذوقك ومكياج العروس كل ما كان ناعم كل ما كان احلى
العطور 5 فقط لان الاغلب راح يجيبلك هدايا وتكون عطور

اكسسورات الشعر حسب ذوقك واحتياجك

الذهب خذيلك طقم ابيض وطقم اصفر وبعض التعليقات والخواتم وممكن تجيلك هديه من الناس ذهب الاغلب يجيب ذهب للعروس

المهم الاغراض هذي هي المهمه

اما الفستان فلا تشيلي هم هنا في المنتدى راح تلاقي فساتين كثيره للبيع وسعرها حلو وانا اعرض عليك فستاني وان شاء الله يعجبك

وربي يوفقك ياعسل وييسرلك امرك حبيبتي
لكن نصيحه لا تشتري شي الا بعد ما تفكري انا احتاجه ولا بس ابي اضيفه للدبش

ايوه نسيت شي
(( الاكسسوار / الشنط / الجزم / = اشتري من كل هالاشياء فضي وذهبي واسود وبني وجنز ))
لانها وربي حتنفعكي لما ما يكون عندك نفس لون الفستان او البلوزه

واسفه على الاطاله وربي يباركلك في مهرك الباقي ياقلبي

حبيبتي متى زواجك الله يوفقك لان زواجي بعد الشتاء والى الان ماشريت الا تيورات بسيطه وابغى اشتري فساتين ناعمه مره للعزايم بس وين القاه في الرياض وكذالك التيورات الفخمه اذاكنتي تعرفي الله يوفقك قولي ؟؟ دعواتكم لي بالتوفيق والستر في الدنيا والاخره

بااااقيلك 9 الاف فقط؟؟!
احسهااا قليلة ياليتك قللتى فى الملابس شوى لان بشهر العسل <<<وهاااااذى وصية منى لك بشهر العسل طبعاً بتروحون اسواااق وبتشترون حجاات ,,خذيلك من كل شى ناقصك ملابس جزم اكسسوارات عطورأجهزة شعر البراون وغييرهاا إذا ماقد خذيتى <<أقصد مكواة السيراميكـ أما المجفف والسيشوار لابد تشترينة من الحين ....واشياء ثانية ماأتذكرهاا,,أيوة لاتنسين تشترين نظااارات شمسية ماركة كويسة ديور أو غيرهاا عشان عيونك وقت ماتطلعون بالنهااار تكونين لابستهاا عشان جماال عيونكـ ..ونصيحة العباية خذيلك ثنتين على الراس حرام عباية الكتف ماتجووووز ,,حتبدين حياتكـ من أولهااا حرام !ربى ماراح يبارك لك خذيهاا نصيحة من أخت تحبك وتغاار عليك ..وحتى عباية الراس تكووووون ساااااااادة مافيهااا ولاشى يلفت النظر عشاان ربي يحبك ولايخلي زوجك يشوووف غيرك,,هاااذى الللى عندى وإذا نسيت شى بأرجع,وقوليلنا بتسوين كوووشة ولا -لا لانى احس مابقيلك شى وإذا ماقد اشتريتى ذهب نقصى من الذهب شوى عشان تغطين مصاريفك الباقية وبشهر العسل خليهاا فرصة أشترى ذهب والله يوفقك ويتتم عليكم بالعافية ,,

حبيبتي لقيت لك موضوع راح يفيدك بالنسبه للدبش ومن خلاله تعرفين ايش باقيلك واي مساعده تبينها لا تترددين
بس ادعيلي ان الله يوفقني مع خطيبي وييسر اموري..
وهالموضوع اخذته من هنا قبل فتره وحفظته عندي...
تجهيز العروس
(الملابس الداخليه)
ملابس مريحه للنوم شفافه وخفيفه
ملابس داخليه للطلعات والدوام
ملابس خاصه باالدوره الشهريه (كلوتات بلاستك من الصيدليه)تسويلك حمايه وتحافظ على ملابسك
أطقم سنتيانات للبيت (غير مبطنة)
أطقم سنتيانات سهرة
كلوتات انفرادية ألوان متعددة


ملابس النوم:
طقمين ارواب.
قمصان طويلة بدون ارواب .
قمصان قصيرة.
بجايم حريري.
بجايم قطنيه.
كورساج + ستوكنغ
(اللي تجي فيها الشراريب و بعدين يشبكونها في الكورساج من فوق عرفتوها؟ )


(ملابس البيت)
أقمصة قطنية طويلة.
أقمصة قطنية قصيرة.
أطقم شورتات قطنية+جينز.
تنوره قصيره.
تي شيرت.
بناطيل.
فساتين قصيره.
بودي.


(ملابس خروج)
يفضل شراء الملابس الجاهزه ولاتكثرين من الخياط لأنو حظوظ
ولاتكثرين من فساتين السهره الثقيله خلي واحد للصباحيه والثاني احتياط
والباقي فساتين زيارات وتيورات

(الذهب )
لاتكثرين لأنو راح يجيك هدايا سواء من اهلك أو من اهل زوجك
خذي لك طقمين أبيض واصفر واذا كنتي ماتحبين الذهب الأصفر، لاتكثرين منه لأنو حلاته يوم الصباحيه اذا جيتي بتسلمين على اهله وبس، فااحلى شي يكون ذهب أبيض والماس
ساعه حلوه
واساور مع الساعه
وطقم ناعم
خواتم
فيه تعليقات الماس قمه في النعومه واللمعان.



(العبايات)
فصلي لك عبايتين على الراس وواحده على الكتف مع الشيل
والبسي في البدايه عبايه الراس علشان تجسين نبض زوجك من ناحية الكتف والراس



(الشناط)
الموضه في الشنط المشكوكه، راح تلاقين أشكال حلووه باالمره وخذي لك ثنتين عمليات لما تطلعين مع العريس.


(اغراض الحمام)
طقم روب
عدد من الفوط
شامبوهاتك وصوابينك المفضله
كريم حمام زيت
شفرات حلاقه واختاري نوعيه جيده وماتسبب لك حساسيه وتخلصي من الشفره فور الأستعمال.
رغوه حلاقه فيه رغوه حلاقه باالتوت لونها موف تلاقينها في السوبر ماركت تقريبا ويجي معها شفره كهديه لكن الرغوه روووعه وريحتها تجننننن
كريم صنفره
أسكينول منظف للبشره
فرشاه +معجون
مطهر غسول للفم هذا تستخدمينه بعد ماتفرشين جدا منعش وريحته منعشه
حبيبات بنكهات معطره للفم موجوده باالصيدليات
رغوه للجسم :أحلى الرغوات: مثل صانسليك- B5 وتجي معاه ليفه ناعمه جدا-
برضه ممكن تستعملين رغوه نونو الخاصه باالأطفال تخلي جسمك ناعم جدا
حلاوه لأزاله شعر الجسم.
غسول للمنطقه الحساسه صابون سائل في الصيدليات بثلاث نكهات يعتبر غسول للمنطقه جدا ممتاز وصناعه فلبينيه فيه باالتفاح والفراوله والنعناع
بودره المسك (للمنطقه الحساسه) تلاقينها عند العطار
مقصات ومبارد الأظافر
شموع +ولاعه :تعلمينه انك رومانسيه بعد ماتطلعين مستحمه خلفي ورى خروجك من الحمام شموع مولعه
فواحه بحجم الكف تلاقينها عند زهور الريف وعندهم انواع متعدده من الزيوت العطريه اللي تستعمل مع الفواحه اختاري اللي يناسب ذوقك راح تعطي الحمام ريحه حلوه
ولاتخلينها فتره طويله مولعه علشان مايسير الحمام مخنوق ربع ساعه تكفي
علبه ديتول
اعود قطنيه
فوط صحيه
فازلين

(علاجات)
بندول
نصيحه(بعض العرائس ياخذون معهم حبوب منع الحمل مع التجهيز وهذا غلط خليها على الله وبعد انجاب أو طفل فكري فيها لأنك ماتعرفين طبيعتك هل أنتي قادره على الأنجاب أو لا..أو راح تحملين بسرعه أو لا..وفيه ناس تعودت ارحامهم على حبوب المانع لأنهم اخذوها من البدايه وصارو يعالجون منها)


(الجزم)
شباشب أنيقه للبيت
جزم مع فساتينك مشكوكه وناعمه
شباشب مشغوله
وجزمتين للطلعه مع زوجك يعني عمليه
وشباشب للحمام


(العطور)
هذه بعض العطورالرائعه
العربيه
مسك لزج يجننن عند عبد الصمد القرشي
عطورات أجمل كلها حلوه
الفرنسيه
ريميمبر مي
آديكت من كرستيان ديور
الترا فيوليت
هابي هارت من كلينك
مادنس madness من شوبارد
فان كليف
تندر بويزن من كريستيان ديور
لاكوست
No5من شانيل
إليزابث أردن
عطر الشيخ
قوتشي
فيرساتشي
إيتيرنتي لوفي
مونتيل
لانفان
باكو رباني
212
بلجر
wish
نوا
----
وهذه عطورات تنفع للنهار
نيبتون من زهور الريف
توت العليق من زهور الريف
سويت كامليا من زهور الريف
المسك الأبيض من زهور الريف
أنجل من زهور الريف
عطر باالفانيليا من نكتار
التوت البري من نكتار
المسك الثلجي من نكتار
عطر دريم
أنانيا فيه عند بودي شوب ونكتار
المسك من بودي شوب
أوشنس من بودي شوب
مون فلورمن بودي شوب

(المفارش)
اختاري أثنين فقط
واحد أبيض وواحد مشجر
وخوذي معها قماش شيفون تقريبا مترين بنفس لون المفرش وارميه على طرف السرير.أو علقيه على تاج السرير يعطي منظر حلو للمفرش، وممكن تضيفين عدد من المخدات المربعه للمفرش يوجد مخدات مفرده باالوان متعدده تعطي منظر جذاب للسرير وتزيد من فخامه المفرش



(ماكياج)
ماكياج الصباح.
اختاري كريم اساس خفيف تلقينه عند ماكس فاكتور وبودي شوب.
اما الأرواج والجلوسات اللي تناسب النهار.
مكياج الليل.
ماكياج الليل لازم يكون اكثف من النهار.
كونسيلر(فور ايفر تجيك علبه وفيها خمس الوان أخضر لأخفاء حبوب الشباب و*****الله ماتحتاجينه اذا سويتي تقشير..وفيه البني والبيج ثلاث درجات لتغطيه الهالات حول العيون..كريولان واختاري الأصفر والبني والبيج البيج اذا كان فيك حبه ظهرت فجئه ولونها احمر فاقع والأصفرعلى جسر الأنف والبني على جوانب الأنف.
كريم اضاءه(ريفلون..ماك..كريولان).
بودره اضاءه(ماك..بودي شوب).
بودره بلمعه مافيه زي ريفلون خذي كل الثنتين البيضاء والبرونزيه.
الكحل كريولان لانكوم وكحل القلم الجاف من جفنشي خطير.
الشدو(كريولان ..فور ايفر ..ماك) ووخذي علبه كبيره فيها جميع الألوان تلاقينها عند ماكياجي للأحتياط وشدوهاتهم حلوه وفيه عندهم ماركه نوبا شدوهاتها تهبل.
(IsaDora )البلاشر(روحي لمكياجي تلقين عندهم ماركةالوان البلاشر حقتهم روعه ).
مثبت الماكياج(بخاخ من جفنشي.أو فور ايفر).
المناكير خذي هذه الالوان(بصلي..وردي..احمر..عنابي).
الماسكارا(هيلينا روبنشتاين ..بروجو..نيفيا).
مزيل ماكياج.
ميلك للبشره.
كريم مرطب للبشره.
غسول للبشره(كلين آند كلير.
شنطة مكياج عشان تحفظين اغراضك فيها من الضياع وعشان يكون حملها سهل

(اكسسوارات)
اختاري اللون الفضي والملون مع ملابس البيت
نظاره شمسيه
بعض اكسسورات الشعر للتغيير
عدسات ملونه(لاتكثرين لبسها في البدايه علشان مايتعود على شكلك فيها
ويفضل لبس العدسات بعد 6 شهور من الزواج للتغيير)
توكاتبنس للشعر
بعض البكل الجميله

(الأجهزه)
استشوار.
فير لتلفيف الشعر
فيه فير على غاز يجننن تحطينه بشنطتك اليدويه وتكوين فيه الخصل اللي قدام اذا كنتي من النوع اللي يحب يحط خصل مستقيمه على الوجه .


(متفرقات)
كتاب الطبخ
كتاب طبخ من كتاباتك المختاره
خيوط+ابر+مقص
أكياس معطره للملابس
مصاصات العصير
بطاقه اتصال للضروره يمكن البيت مافيه صفر وتحتاجين امك وقت الطبخ والزنقات
زيت السمسم
علب لحفظ اغراضك داخل الأدراج
صندوق مجوهرات
كاميرا علشان تصورين رحلتكم في شهر العسل
لبان فيه لبان ايراني ممتاز عند محلات البخور جواه عسل وفيه نكهات متنوعه ملاحظه العلكه تشوه منظر العروس لاتعلكين قدامه
سجاد وشراشف للصلاه



(نصائح)
اهتمي بتثقيف نفسك عن امور الزواج
تجنبي كثره الثرثره عن اهلك لحد ماتعرفين شخصيته ويبغالك سنتين علشان تعرفين
احذري من كثره الحديث عن تفاصيل حياتك قبل الزواج
تعودي على تدليعه ببعض الكلمات علشان ماتستحين بعدين
عوديه على نفسك يعني اذا كنتي في منطقه اهلك لاتكثرين من الذهاب لهم اول الزواج علشان يتعود عليك ويسير مايستغني عنك
لاتكثرين رسائل الجوال تسيرين لزقه
اذا بغيتي أي شي من السوق لاتستحين ترى حياك ماراح ينفعك
وبيتعود الرجال على قله الشراء وبعدين اذا طلبتي شي راح يتكاسل ولايهتم بأغراضك لأنو ماتعود من البدايه يشتريها
وطبعا مو كلهم كذا لكن اضمن لك انك من البدايه تبتدين ماتستحين من الطلب
وخلك ذكيه اذا لمحتي حاجه تناسبه في السوق قولي خذ هذا احس انو مناسب عليك باالمره يعني خلك بين طلباتك ومستلزماته وراح يتعود على المصاريف الله يعينه ويوفقه
لاتجيبين سيره الأنترنت له وانك كنتي تقضين اغلب وقتك عند الجهاز لأنو بيتضايق ويفهمك غلط .