اسيرة السراب :

missuae 3003 هلابك حبيبتي صح انا جربتها وكان لها شوية اعراض جانبيه مثل العطش الدوخه غثيان واحيان مافي توازن بالجسم بس كنت عارفه ان هذي الاعراض راح تصير لان المندوبه قالتلنا عليها وانها مؤقته لمدة 3 او 5 ايام وبعدين تبداء تختفي بصراحه انا من فتره وفتره تجيني هالاعراض وقت استخدامها بس مجرد مااوقف عنها تروح يعني الي فهمته منها ان هالاعراض طبيعيه وياغاليتي بقولك على كل شي سويته بهالفتره الي نزلت فيها وتامرين امر اول شي قررت وعزمت من قلبي وانو ماراح يثنيني عن الي ابي اسويه من رجيم ورياضه شي اهم شي العزيمه اذا ماعندك عزيمه واصرار لاتسوي رجيم وتعبي نفسك لان كلها يومين او اسبوع وبتخربين كل شي سجلت بنادي رياضي في مستشفى خاص كانت امكانياته بسيطه يعني شوية اجهزه وشريط فديو رياضة الإيروبيك بس كنت من اروح الساعه 4 العصر الين بعد المغرب الساعه 6 او 6 ونص وانا مااوقف كلها تمارين واجهد نفسي كنت لما اقوم من النوم اشرب كوب اعشاب مكون من المرمريه واكليل الجبل ورجل الاسد والبابونج والشاي الصيني الاخضر من دون سكر واحيان اكل تفاحه قبل اروح النادي علشان ماادوخ واحيان مايجيلي نفس اكل شي من ارجع اخذ اما شريحة توست بالبيض المسلوق او بجبنة قريش مع خيار او طماطم والعشاء اذا حسيت بجوع اكلت كمثرى او تفاحه او اكل توست مع جبن او بيض مسلوق طبعا استخدم حبوب ريدو كتيل كل يوم حبه ولازم بالبدايه تستخدمي الي قوتها 100 الين تخلصي علبتها واذا شفتي جسمك تعود عليها استخدمي الي قوتها 200 اشرب شاي مع سكر كاندريل اشرب قهوه عربيه طبعا كوب الاعشاب اخذه 3 مرات باليوم واذا في وجبه ناقصه مااخذتها اشرب الشاي عادي وطبعا اخذه قبل النوم وفترات اوقف عن شاي الاعشاب واستبدله بخل التفاح بالبيت اعمل رياضه من ساعه الى ساعه وربع كل يوم اطبق الرياضه الي عملتها بالنادي وبصراحه مالي رجيم محدد كل فتره اختار رجيم من كيفي يعني مره استخدمت الرجيم الكيميائي لمدة اسبوع ومليت منه وغيرت مره استخدمت رجيم الفواكه برضو رجيم شوربة الكرفس وبصراحه اذا استخدمت هذا الرجيم ابطل من شرب كوب الاعشاب لاني مااحب الخبط كثير وانا كل سمنتي كانت من الحلويات علشان كذا لما توقفت عن الحلويات مااهتميت بنوعية الاكل او حبي له لاني اعتبره عادي احيان افضل اكل تفاحه على اني اكل لحم مشوي او شي زي كذا واهم شي اذا عزيمتك ضعيفه لاتحضري اجتماعات انا ببداية رجيمي اختفيت عن الناس علشان مايثنوني عن رغبتي او يغروني بالاكل وعلشان خاطري هالمره ولا بس هاللقمه ماراح تضرك او اني اشوف الناس هابه بالاكل وتطول يدي من غير مااشعر لما شفت النزول الي حصلي واني قدرت احافظ على خطتي صرت اطلع للناس والجميع مستغربين من نزول وزني وطبعا كنت بالبدايات بس تعودت ولاعاد اهتم حتى للحلويات صرت احضر معاهم والله مااشرب غير قهوه لا حلى ولاتمر ولا شاي ولا معجنات ولا عشاء ابداً بس قهوه لاغير وعادي الامر عندي ولله الحمد يعني توكلي على الله وقوي عزيمتك وابدي الرجيم مع الرياضه وخلي املك بالله واعرفي ان الاكل مو طاير اكلتي كل عمرك وش نفعك فيه نفعك بالسمنه فقط وبقولك شي كنت كل ماافكر اخرب الرجيم اقول بنفسي طيب الحين اكلتي وشبعتي وش بينفعك فيه الاكل مجرد سمنة وانتي مصيرك تشبعين سواء اكلتي هذا او اكلتي اكلك الخاص وفعلا هالكلام يزيد من اصراري ويسد نفسي ولما خلصت 4 اشهر صرت اكل طبيعي واكي صار خفيف اصلا ولما اشوف وزني زاد كيلو او اثنين اسوي رجيم كم يوم ويرجع مثل قبل او اكثر بس بالفتره الاخيره اهملت نفسي شوي ولاحظت اني زايده لكن هذا انا باديه رجيم ورياضه وان شاءالله ربي يرجعنا زي اول او اكثر واي استفسار حبيبتي انا حاضره

missuae 3003 هلابك حبيبتي صح انا جربتها وكان لها شوية اعراض جانبيه مثل العطش الدوخه غثيان...