كوبونات الراقية تسجيل الدخول

*ريحانة الروح*

عــــــــــــــــــاااجـــــــ ــــل اللي سبق وان سافرت بطفلها الرضيع بالطيارة تدخل!!!

الأمومة والطفل •

السلام عليكم ورحمة الله وبركاته

كيفكم خواتي ان شاءالله بخير؟

انا ناوية اسافر مع بنتي :04: :27: لأهلي حيكون وقتها عمر البنوته ان شاءالله 14يوم ومدة الرحله ساعه

وخايفه عليها :06: من الضغط الجوي ونقص الإكسجين واذانيها

فحابه اسأل

من قد سافرت برضيعها بالطيارة وكم عمره وشنو سوت له؟؟ عند الإقلاع والهبوط؟؟

قريت انه تسدد اذانيه ويرضع او ينعطي لهايه!! عشان الضغط

اللي عندها اي اضافات او خبره ياليت تفيدني

احم احم سؤال برى الموضوع المريله حقت الرضاعه وين تنباع؟ دورت عليها مالقيتها وشكراااا

ودعوااتكم
9
960

يلزم عليك تسجيل الدخول أولًا لكتابة تعليق.

تسجيل دخول

Crestalla
Crestalla •
انا سافرت بابني وكان عمره شهر وطول الرحله ساعه ونص..

هو غالبا طفلك حيكون نايم طووووووووول الرحله لانه هزهزة الطياره تعجبهم واحتياطا خلي اللهايه جمبك ورضاعه عشان اذا كان صاحي رضعيه وقت الاقلاع ووقت الهبوط.
toto-1
toto-1 •
Crestalla Crestalla :
انا سافرت بابني وكان عمره شهر وطول الرحله ساعه ونص.. هو غالبا طفلك حيكون نايم طووووووووول الرحله لانه هزهزة الطياره تعجبهم واحتياطا خلي اللهايه جمبك ورضاعه عشان اذا كان صاحي رضعيه وقت الاقلاع ووقت الهبوط.
انا سافرت بابني وكان عمره شهر وطول الرحله ساعه ونص.. هو غالبا طفلك حيكون نايم طووووووووول...
انا سافرت ببنتي وكان عمرها اسبوعين:04:
وكانت مدة الرحله ساعتين تقريبا:time:
ووقت الاقلاع والهبوط عطيتها الهايه:04:
وكانت لحمدالله طول الرحله نايمه:27:
نورةالدوحة
نورةالدوحة •
ساعة رحلة قصيرة يدوب توها طايرة الطيارة الا نزلت
وعادي كلش المهم ترضعينها عند الهبوط والاقلاع وبس
واحرصي على الكراسي الامامية حتى لو بدون سرير
مادري احس ان صراخ البزران في اخر الطيارة اكثر من الامام يمكن الضغط اكبر مادري


بس انتي لاتحاتينها الحين توها صغيرة ياعمري
حاتي نفسج بعدين لي كبرت شوي هههههههههههه بتلعوزين الله يعينج

والله يسهل سفرتج ويتمها على خير
نفحة عطر
نفحة عطر •
انا سافرت وعمره 3 اسابيع

الحمد لله الوضع عادي

بس كنت مجهزه رضاعه حليب والثانيه مويه والهايه

وتوصلين بالسلامه
قطعة السكر
قطعة السكر •
أنا سافرت مع بنتي بعمر 4 شهور..

ومدة الرحلة ساعتين ونص..

وكنت بروحي بدون زوجي..


أنا كنت ماخذه معاي رضاعة بس كذا..إحتياط..

ما عرفت أرضعها وجنبي رجال..بيني وبينه كرسي فاضي..

مع إن عباتي راس..و واسعة..

حسني متوهقة..وقال لي: حطي البيبي عالكرسي بامسكها..وأنتهزت الفرصة وبسرعة سويت لها رضاعة..وهذا قبل الإقلاع..

وعطيتها رضعتها ونامت..

وأنا كنت ماخذه إحتياط وما نيمتها العصر..عشان تنام المغرب بالطيارة..:icon28:


على فكرة..

كانت عندي مريلة الرضاعة..أمي الغالية خيطتها لي..

ومع ذلك ما عرفت أرضعها..

وبنتي ما كانت تبي اللهاية..أبد..


بس حتى لما جلست قبل الهبوط..كنت ألعب معاها..وعادي..

بس قبل الهبوط بشوي كان في مطبات هوائية قوية..وحدة وراي صرخت من الخوف..وبنتي صاحت..

بس ما عدا كذا مشت الرحلة أوكي..

وقت الوجبة جابوا لي سرير..لأني كنت بالكرسي الأول..



يعني إتكلي على الله.. وسافري وبالك مرتاح..


ومثل ما قالت نورة الدوحة..خذي مقعد قدام..عشان الصغط أقل..

إذا كنتي درجة سياحية..بتكونين وسط الطيارة بالضيط..لمن تجلسي في المقعد الأول..




توصلي بالسلامة لأهلك..وهم سالمين..وتستانسين بالإجازة معاهم..


في أمان الله..