عـــــــــــــــــــروووووس محتـــــــــــاره

السلام عليكم اول شئ الف مبروك وثانيا هذي بعض الخلطات نقلتها لك مع الشكر للاخوات كاتبات المواضيع
@أنا حابه أكتب موضوع شااااامل حق علاج جميع مشاكل البشره
بس لاااااااااااااازم يا بنات بليييييييييييييييييز اللي أقوله تسوونه بالحرف الواحد
لا تخربطون اللي أقوله ولا تحذفون شئ علشان توصلون حق نتايج ترضيكم وتدعولي إنشالله
حتى المتزوجه إذا عندها خطوط وترهلات بعد الحمل والولاده إذا التزمت باللي أقوله ريلها بيصير
يالله نبدي والا بعد ؟؟؟
المواد اللي نحتاجها :

1#زبادي
2#سدر
3#مره
4#بطل ماي
5#خميره
6#صابون مغربي
7#صابونة الكركم
8#ليفه اللي على شكل قفازات من بوجي شوب
9#سنفرة لوريال اللي كتبت عنها الأخت شالسالفه
10#ثلج
11#كركديه مطحون مخلوط بفازلين (كل ملعقه كبيره فازلين ملعقة شاي كركديه مطحون)
12#زيت حلبه مخلوط مع كميه مساويه له زيت خروع
13#برشاش عصير ليمونه + عصير بطاطا
14#خل تفاح
الطريقه القنبله خخخخخخخخخ

لعلاج الحبوب:
نقعي المره المطحونه ببطل الماي ومسحي فيها مواقع الحبوب يوميا قبل النوم لمدة أسبوعين وشوفي النتايج اللي بتبهرك

للوجه الدهني ولتصبح البشره كرستااااااااااال من جمالها:
3 مرات بالأسبوع أستخدمي قناع مكون من زبادي + سدر (ملعقتين زبادي +ملعقة سدر)

لتكبير الصدر:
كل يوم تحطين على صدر خميره مذوبه بماي لمدة ساعه كل ما تنشف حطي طيقه ثانيه
وبالليل دهني صدرج بزيت الخروع والحلبه ودلكيه بطريقه دائريه ونامي والصبح غسليه

لشد المناطق المترهله ولمعالجة الحبوب :
كل يوم ييبي خل تفاح وبدون مقدار صبيه بأيدج ودهني هذي المناطق وخليه مالا يقل عن 3ساعات وإذا قام يحكج حطي كريم مرطب

كل يوم غسلي جسمج بصابونة الكركم للتبييض والتنعيم وإزالة الحبوب

كل أسبوع سوي حمام مغربي وتفركي بالليفه من بودي شوب أحين من الليفه المغربيه
مع الحمام المغربي سوي خلطة تبييض تخلي جسمج مثل الزبببببببببببده
4ملاعق هرده (طحينه) +ملعقتين سنفرة المشمش + عصير ليمونه + نص علبة حليب سائل + ملعقتين زيت لوز
حطيها بعد ما تفكين جسمج من الصابون النغربي نص ساعه وغسليه

عند كل سبوح أستخدمي سنفرة لوريال لأنها عجييييييييييبه تنعم بطريقه فظيييييييييييييعه

كل يوم حطي على شفايفج لمدة ساعتين كركديه وفازلين لأن يحمر الشفايف ولعقب الساعتين لا تغسلينه لأ مسحيه بكلينكس وغركي شفايفج بثلجه لين تذوب الثلجه وحطي غلوس شفاف علشان تتفخ شفايفج

كل يوم قبل النوم وعقب ما تقومين قبل لا تغسلين ويهج فركي ويهج بثلجه


يوميا حطي على المناطق الحساسه عصيرالليمون +عصير البطاط علشان يفتحها بطريقه فظيعه وتبين النتيجه بع أسبوع

إذا التزمتوا باللي قلته شهر أو أقل بتتغيرووووووووووووووووووووووووووووووون
يالله عاد أيدي طاحت وأنا أكتب لا تضيعون تعبي وما تسوون شئ والله لغلاتكم كتبت الموضوع >>>>>>>>منقول
@وصفه تنفع للعرايس خصوصا... ومافي مانع الملاقيف يتفضلون خخخخخخخ
السلام عليكم

انا حبيت اعطيكم هالوصفه من اختراعي بس نتيجتها ميه ميه ولا فراخ الجمعيه
نعومة وازالة للخلايا الميته ونظافه وبياض بس عاد مو تجيني وحدة سمرة تقول ليش ماصرت بيضا!!
لا يعني يتوحد لون الجسم وتحسين شوي بفرق باللون مع الاستمرار مو من يوم وليله
انا هالطريقة قبل كنت كل ماشفت روحي فاضية سويتها
يعني بالاسبوع 3 او 4 مرات ومافي مانع تسوينها كل يوم خصوصا العروس ترى بتستفيد منها حيييييييييييييل


يالله جهزوا المقادير:

بطاطا وحدة متوسطه الحجم مسلوقة ومقشرة
علبة حليب سائل كي دي دي او حليب السعودية او المراعي كيفكم
يعني تقريبا كأس كبير حليب سائل
ملعقتين كبار هردة اللي هي الطحينه السائله اللي يسوون منها المتبل ويحطونها بالشاورما عرفتوها؟؟
ملعقتين كبار عسل
ملعقة كبيرة شوفان مطحون
ملعقه كبيرة طحين حمص
شوية مرة انا اخذ صخرتين صغار من المرة واطحنهم واحطهم
عصير ليمونه وحدة

خلطي المقادير كلها بالخلاط
بس اول شي حطي البطاط مع الحليب بالخلاط بعدين ضيفي الباقي عشان لايصير ماسك وايد ومايتحرك بالخلاط
واذا بالاخر طلع الخليط ماسك حييييل ضيفي زيادة حليب سائل لين تحصلين المزيج اللي تحسينه مناسب عشان تدهنينه بجسمج
تاخذين هالخلطه وتقعدين بغرفتج مو الحمام عشان حرام نعمة الله
تفرشين شرشف او نايلون كيفج
المهم دهني كل جسمج فيها بما فيها الوجه عادي وقعدي فيها كثر ماتبين انا البس دراعة قديمه واقعد اطالع تلفزيون ساعة كامله واغسل
يعني الوقت اللي يناسبج بس مو اقل من نص ساعه عشان يمديها تعطي مفعول
عقبها جيبي فوطه فيها ماي ومسحي جسمج عشان تشيلين الزايد عشان لما تدخلين الحمام ماتدخل نعمة الله حرام
المهم لامسحتي جسمج دخلي الحمام تسبحي وسوي سنفرة الليمون والملح انا احبها تنعم
او استخدمي سنفرة المشمش
او سنفرة لوريال اللي كاتبه عنها الاخت شالسالفة ترى ممتازة وميه ميه جربوها
اذا ماتبين سنفرة تفركي عدل بليفه تكون تطلع الوسخ مو ليفه ناعمة ماتسوي شي
ولاخلصتي حطي بدي لوشن اي نوع تبين انا استخدم جونسون باللوز عجييييييييب وريحته حلوه وعندكم بدي لوشن دوف بدي سيلك هم ممتاز ينعم
وبس متى ماحسيتي لج خلق سوي هالطريقة وهي مثل ماقلتلكم تنفع حتى للوجه لانه كل شي فيها طبيعي وماتضر بالعكس بتوخر الحبوب لانه فيها ليمون ومرة
وبتوحد اللون وتبيض شويييييييييييه بس اللون اكيد مع الاستمرار يتوحد يروح كل السواد
وحتى الكوع والركب بتنعم اكثر
والمنطقه الحساسة اللي لاعبه فيكم ومطلعتلكم قرون بعد بيصير لونها موحد

يفضل انج مع الخلطة تسوين مرة بالاسبوع حمام مغربي
لانه يشيل الخلايا الميته وينظف ويفتح المسام
وهالشي بيساعد المكونات بالخلطة انها تتغلغل بالبشرة

انصح العرايس انهم يلتزمون بهالوصفع قبل العرس بشهر 3 مرات بالاسبوع واوعدكم انكم ماراح تعانون باذن الله لامن حبوب ولا سواد ولا شي
اذا التزمتوا......منقول