كـيـفـكـم آآخـبـآآركـم
انا جديده توي بقراطيسي وبغيت انزل هالموضوع القصير حتى افيدكم
اول شيء راح ابدي فيه هو الوجه
الوجه:
انا الحمدالله بشره وجهي مافيها اي شيء غير الحبوب حبوب نفس لون بشرتي
تخلصت منها
بكريم (اكرتين)
وهذا الكريم اخذته من العضوه عابره سبيل الله يجزاها كل خير اخته من موضوعها المفروض اني اشتري
كريمين اللي هو ((اكرتين+سكينورين))
صوره الكريمين
لطشتها من موضوع العضوه عابره سبيل الله يجزها كل خير ان شاء الله
انا جربت كريم اكرتين وماجربت كريم سكينورين
نبذه عن كريم اكرتين :
1-كريم اكرتين ماينفع للي عندها اكزيميا راح يسبب لها تهيج في الجلد
2-اذا كانت بشرتك حساسه راح يسبب لك احمرار وقريت في الارشادات ان هذا شيء عادي
3-كريم اكرتين قوي لدرجه انه يقضي على الرؤوس السوداء والبثور
هذا اللي اتذكره من الارشادات
طريقه الكريمين تأخذين قدر متساوي من الاثنين وتخلطينهم وتحطينهم قبل النوم
مايصلح ابدا تحطينه في النهار
انا لما جربت كرين اكرتين كان تطلع زي القشور في وجهي هذا شيء عادي لانه يطلع لك بشره جديده ووحده من صديقاتي تقول استخدمي واقي الشمس عشان تحافظين على بشرتك بعد الكريم بس ما ستخدمته والحمدالله بشرتي زي ماهي
هذا بالنسبه للحبوب
وذحين راح اتكلم عن الخلطات اللي فادتني
الخلطات:
الخلطه الاولى هي:
2 م ك دقيق
1 م ك عسل
3 م ك حليب >>> استبدلته بمويه الورد وفادني
هذي الخلطه حلووه مرره تخلي وجهك منور وصافي حتى وحده من صديقاتي لاحظت هذا الشيء
الخلطه الثانيه هي:
2 م ك نشأ
1 م ك مويه ورد
هذي للتخلص من الحبوب استخدمتها وفادتني شوي بس ما قضت على الحبوب
وبعد الا ستخدام لا حظت انه وجهي نور اكثر
وامسح وجهي
اجيب قطنه واجيب حليب المراعي >>>>> اعلانه للشركه هع
واغمس القطنه في الحليب وامسح بها وجهي وانتي تمسحين راح تشوفين القطنه يتغير لونها اقعدي امسحي لين ينظف وجهك وبعدين امسحي بقطنه مببله بمويه ورد
وفي وحده من صديقاتي بشره وجهها حلوه ماشاء الله عشانها قبل ما تنام تمسح وجهها بزيت اللوز المر انا استخدمت هالطريقه ومن اول اماصحيت حسيت وجهي فتح شوي
خلصنا من الوجه
:
:
:
:
:
:
الشفايف
انا شفايفي الحمدالله حلوها بس لونها مو وردي من فوق مايل لونها للون البنفسجي
وصرت استعمل لها
اول شيء اقشرها بـ
بزيت زيتون وسكر
وبعدين احط خلطه مرطب تطلع شفايفي مرره حلوه حتى اذا كان في عزيمه ولا شيء اول شيء اقشرها بزيت الزيتون والسكر بعدين اسوي اللي ابغاه
وذحين بديت استخدم خلطه دم الغزال والفازلين ان شاء الله تفيد
المرطب اللي استخدمه هو مرطب من بيزلين
وهذي صورته بالتوت والعليق ماهو نفس اللي بالصوره
:
:
:
:
:
عنايتي في اباطي
انا الحمدالله مافيها اي سواد دايما انتف اباطي واستخدم لها مزيل العرق من دوف اللي بالليمون
هذي صورته
روعه ما يسود بالابط ولا شيء انصحكم فيه
:
:
:
:
:
:
ذحين دور اليد
انا يدي زمان الله لا يوريكم كانت من عند المفاصل سوداء مو سوادء سوداء لا بس كانت من الخشونه سوداء كانت جافه بعمنى الكلمه ولا وقت الشتاء كان فيها خطوط بيضاء من الجفاف
عاد انا شمرت اكتافي وقلت خلاص جاء وقت الهمه
اول شيء سويت لها زي الصنفره بـ
م ك فازلين
2 م ك سكر
احطها في راحه يدي وابدا افرك بس مو لين يصب الدم اهم شيء افرك صح
يمكن دققتين بالكثير
و اغسل يدي بس مو بالصابون لا بس مويه راح يبقى فازلين اكيد اروح اجيب منديل وامسح باقي الفازلين
وبعده استخدم
كريم فازلين بالكاكاو
هذي صورته
يدي فتحت عن قبل بفررررررررررق كبيررررر يمكن من 3 استخدام تلاحظين الفررق
بعد ماراح الجفاف والسواد
كانت يدي يوم اكون في البرد وزي كذا
كان لازم يصير لها جفاف وتروح النعومه هنا لا يا حببتي لازم تصير ناعمه
فرحت استخدم هالخلطه وهي من راسي >>>>من زمان مااشتغل هالدماغ
وهي
2 م ك اي كريم عندك انا للامانه استخدمت كريم نيفيا
م ك زيت اللوز المر
م ك زيت المشمش
م ك فازلين
م ك نشا
ريحته عاديه
استخدمتها قبل مانام وكل يوم استخدمها يا بنات لو اقعد في الثلاجه>>>>زودتــهـا ههههههه
ماجفت تركت الخلطه انا استخدمتها لمن خلصت والله انها فادتني حتى امي تقول يدك خلاص تغيرررت عن زمان من جد طالع شكلها يجنن
وذحين صرت استخدم كريم جونسون للاطفال توي باديه فيه وفادني شوي
وهذي صورته
:
:
:
:
:
:
الـــــــــركب
انا ركبتي عكس لون جسمي
وصرت استخدم لها خلطه الـ
2 م ك زيت زيتون
ليمونننه
اخلطهم واجيب قطن واقعد افرك
وبعدين انام
استخدمتها لمده 4 ايام وفتحت شوي حتى امي لاحظت هالشيء وبعدين تركتها ماكان عندي ليمون بس ذحين برجع لها ان شاء الله
:
:
:
:
:
:
وهذي صديقتي اعطتني اياها
هي طريقه لتفتيح
اللي هو زيت الخروع للجسم والوجه
بنات هو جدا فادها للهالات تحطه تخليه ساعتين بالكثير وبعديت تغسلينه بصابونتك المفضلهه
واكيد بعد الصابون ترطبين وجهك هي استخدمته لوجهها وفتح ماشاء الله وتقول استخدميه للجسم كله انا ماعمدي زيت الخروع بس ان شاء الله لما اشتريه راح استخدمه
:
:
:
:
:
:
الاقدام >>>>> عربيه فوصح هع
انا رجولي مافيها شيء بس جفاف انا لما انام ادهنها بفازلين والبس شراب وانام واحيانا احط رجولي في مويه دافيه لمده 10 دقايق واطلع وانشفها واجيب اي كريم عندي وادهن رجولي واجيب اداه نزع الجلد الميت وانزع بها والجلد الميت ينزول بكل سهوله
:
:
:
:
:
:
وبس
هذي عنايتي بنفسي
اتمنى اني افدتكم ولو شووي
وطبعا لا تنسون ان تحرصوا على الصلاه فالله هو اللي راح يمنحك الجمال بس مافي احلى من جمال الاخلاق وانك تتحلين بالعباده والطااعه فل الجمال ماراح يفيدك لا دنيا ولا اخره
والسلام عليكم ورحمه الله وبركاته :21::icon35:
ربي يوفقك يارب
ويسهل عليك كل شي
اخدت بعض الخلطات وبجربها ان شاء الله