عفته واحس ماني طايقته ومابي شوفته //اكتفى من الردود

بنات مساء الخيرات
انا اول مره اكتب لكم
وكنت مابي اكتب بس والله في حيره
من كثر ما اشتكي وكلن يقول اصبري وعديه واعذريه
بنات
السالفه طويله بس باختصرها
انا وزوجي مو بالسعوديه
قبل يومي وعلى الفطور جت بنتي الله يهديها شقيه ودلوعه وسامجه
تبي تصب الفمتو على المويه العادي وتبي تحوس سكت اول البدايه بعدين عصبت عليها وشديتهامع اكتوفها وصارخت في وجهها والله ماضربتها بس صارخت وقلت ياله انقلعي
راحت واااااااا واااااا
ابوها يشوف الوضع من الاول وساكت
بس يو هشتها قام يهواش ويحملني المسواليه وقلت التدبير وليش تسوين فيها كذا
انا معصبه قلت احسن خلها تتادب وتتربا هذي من الاساس ما ربيتها صح
وبعدين ليش تتكلم معي كذا انا امها وبسنعها لو اسدحها ضرب
ماتقولي كذا
تدرون وش قال لي قالي
اقطعي واخسي
اقطعي واخسي
قلت له ماتقولي كذا انا ماغلطت
انا مينقال لي كذا
قالي اقطعي واخسي
واكلي ...... وترا بضربك بالفنجال والله والله
وقام وطلع من البيت
من بكره جيته الصباح
وقلت له احجز لي مابي اقعد عندك
قال ليه قلت انت تقولي اكلي .....
قالي انقلعي
وروحي اكلي كبر راسك
انا وقتها 😭
رحت وكلمت اخوي الكبير
وقالي لا تتهورين واقعدي في بيتك وقام يهديني واقعدي عند بنتك
لا تخسرين بيتك وبنتك وزوجك وقت الغضب
بس عجزت اتحمله في البيت ابي ابعد عنه مابي شوفته
وكلمت امي وقعدت ابكي
وقامت امي تهديني وتقولي اصبري هذا عادي وانتي تعرفيه عصبي وشوله تجادلينه
هذا الحريم ويما صبرنا وتحملنا الرجال
والا محد قعد في بيته
بنتك ووبيتك وهو مايعيبه شي انسان محترم
وما شفنا منه العيب
بس وقت زعل
وقعدت تصبرني وتقولي والله لا تيبسين راسك وتخسرينه تراه يكابر ويعاند ومايراضيك
ثم تخسرينه
هو مو اول مره دايم وقت المناقشات يقولي اقطعي واخسي
وش ذا ما يحترمني
انا ابوي ماقالي ذا الكلام
يجي هو يقولي كذا
انا عفته ماني طايقته
ارسلت له قلت اذا ما حجزت لي خليت الملحقيه تتدخل في الموضوع
والا شرطة الدوله الي حنا فيها
بخوفه
مارد علي
ارسلت له انت تكرهني وانت ما تطيقني وش تبي بي
هذا يدل على احتقارك لي
مارد علي
بنات وش اسوي
امي واخوي الكبير يقولون اصبري
واختي تقولي ازعلي وروحي احسن عشان يتادب المعفن وما يعودها مره ثانيه
هذا شافك ساكته وكبر راسه عليك