اولا اختي انتي ماراعيتي وقت الافطار يكون الصائم معصب ونفسه بطرف خشمه ويتنرفز وهذا طبيعي جدا
وردة فعل زوجك كانت صحيح عنيفه بس اعذريه
احنا مانقول اتركيه بس ازعلي شوي عشان يتادب بس انك تهدمين بيتك عشان سبب بسيط

وين الصبر والتحمل بالزوجه

وزوجك يحبك لو مايحبك كان حجز لك على اول طياره بس هو عصبي ولسانه متبري منه


وانتي خليك السباقه للخير في هذا الشهر الفضيل

الله يالف بينكم ويبعد عنكم المشاكل كل بيت فيه مشاكل وانتي مشكلتك عااااديه جدا حليها بنفسك ولا تدخلين اهلك في كل مشاكلك

انا من رايي تزعلين


بس لا تسافرين وتبعدين المسافة وتكبرين الفجوة وتسمحين للشيطان يدخل بينكم


لا تراسلينه ولا تكلمينه سوي شغلك وشغل بيتك وانت على الصامت لين تطق كبده ومصيره بيجي ويراضيك



وساعتها تفاهمي معاه وفهميه انه لازم يحترمك ويحسن الفاظه




السي الثاني انتي عرفتي ان زوجك لسانه متبري منه


لاشفتيه معصب اسكتي


لا تكلمينه


وهو لاهدا بيتحسف



وحبيبتي حنا حليلات بس يجي يبوسك ويراضيك يطيح الحطب وتنسي كل شي


الله يوفقك ويسعدك

ههههههههههههههههه والله ضحكت من خاطري يوم تقولين بشيل قشي

يا حرمة الزمي بيتك وهذا الشيطان يكرهك فيه لا تقولين مربط ترى شيطان الانس اكبر

انا احيانا تجيني قفلة من زوووجي مو طبيعية لدرجة اني ودي مادري بس وش اسوي فيه بس اخذ بعضي وافكاري الانتحاري واروح اخر غرفة بالبيت واعتكف الين يطيح اللي براسي

معروف الرجال يوم يزعل يقول كلام ما يثمنه
اذكر مرة تزاعلنا قالي كلام يسم البدن مو تخسين :(
ولا شيء قفلت منه وبعدت عنه بعد ساعتين هو جا وراضاني وقالي اسف وقلت كلام ماينقال بس عصبت وتنرفزت
هذا هم الرجال ويمكن ما يتاسف بس يجي يتبوسم ويسوي حركات عاد انت افهمي انه بيراضيك

والحياة كذا لازم مشاكل وعناد وصراخ بس يبيلها بال مطنش ويعيش مرتتاح

طيب اعطيه فرصه مهما كان هذا زوجك وأبو بنتك وشوفي ايش يصير ولو في اي شي بيبين أكيد وخليكيً انتي الاذكى