عفوا للجرأه قصة طالبة تدمرت حياتها بسبب إهمال الأهل

مرحبا بالجميع بقولكم قصة تعور القلب حصلت لطالبة كنت أدرسها والله ماذكرتها إلا لتكون عبرة وعظه لمن لديهم أمانه بين اديهم من القوارير!!!!!!!!
تبدأ القصة لما دخلت على الفصل واعطيت درسي لهم تفاجئت بوجود طالبه جديدة منزويه لحالها في اخر الفصل00تعرفت عليها وحيتها00
في اليوم الثاني 00دخلت على نفس الفصل وكانت علاقتي مع الطالبات فيها نوع من الصراحة والمحبة كأني اختهم00
لما خلصت من الدرس البنات يكثرون من الأسئله وهذي ترد على هذي يعني في جو مناقشة كانت الطالبة الجديدة منصته تماما لاحرف ولاحركة 00سألتها:ليش ماتشاركين؟ماردت0
في كل حصه نفس الشي لاحركة ولا كلام 00حتي في الساحة منزويه لحالها ماتخالط البنات أبداً00
جيتها وسألتها ليش انت منطويه لحالك؟ ماردت !!! قلت لها متى مابغيتي تسولفين وياي تراني مستعدة00
مرت الأيام00وفي يوم جات البنت تدورني00طبعا فرحت:27:
اخذت البنت في مكان مريح وقلتلها:قولي اللي تبين تقولينه!
البنت عبرتها سبقت كلامها :29: استغربت00
قالت البنت انا بقولك كل شي وانا اعرف انك ماتقدرين تسوين شي لي لكن بفجر اللي في قلبي
انا من عايله غنيه 00مترفة00ماحد يدري عن الثاني00مشتتين00 أخرج وادخل على كيفي
من زمان وانا أغازل واحد من مكان بعيد عبر الهاتف تقريبا من سبع سنين00
كانت مجرد تسليه00 في يوم من الأيام اتصلت صديقة الشر00(والبنت تروي وهي تبكي)
وقالت لي:شرايك اليوم نروح شقة زميلتنا(000) قلت لها:يالله00ورحت وياليت مارحت!!
دخلنا الشقة وفجأأأأأأأأأأأأأأأأأااه !!! اطلعت وخلتني وقفلت الباب!!
التفت وراي إلا مجموعة من الشباب يطالعوووووووني ومن بينهم رجل مسن(تاجر)
لما شافني أبكي اخذني في الغرفة الثانيه وقام يهديني ويعطيني من الكلام الزين ارتحت لكلامه لأني محرومه من الحنان من الأهل00
وشوي شوي قدر يعتدي علي!!:44:
بعدها ندمت00 ووعدني انه يتزوجني00 ولكن الكلام بالهوى !!!!!!!!
رجعت البيت حيرانه00 أعلم أهلي ولى لا؟
بديت أفكر بعملية الترقيع(00) ((اعتقد انكم فهمتوا))
وفعلا سويتها عند دكتور بالسر!! بمبلغ باهض!!
وقالي الأمور أوكية تمام00
خطبني واحد من الأقارب00فرحت كثير قلت المأساه انتهت00
وسوينا حفله الخطوبه(بعد الملكه)خطيبي حس إني جريئة في تصرفاتي !!
سألني هل علاقات من قبل ؟؟طبعا نفيت الأمر 00
قال:انا أعرف ان البنت فيها خوف ارتجاف حياء لكن ماحسيته فيك؟
استغربت من نباهة خطيبي اثر انا المغفله نسيت ان الإيمان لو زال زال معه الحياء
استدركت الأمر قمت اسوي اني مستحيه وفعلا كنت اتمنى ان الحياء يكون فيني مثل البنات الطاهرات لكن عيا يجيني في لحظتها مااستدركت انه من قلة الإيمان؟؟
قام خطيبي يختبرني ونا مادري؟؟ يعطيني بعض (000) حتى مكنته من نفسي
بعدها قال:انت طالق 00انت مش بنت00
استغربت كيف العملية مانجحت؟؟
وفضحني عند الأولين والأخرين000
حتى أهلي ماينادوني إلا يالفاجرة يالزانيه!!!!:44:
الطالبه:زادت من البكاء 00حاولت أهون عليها00جبت لها في اليوم الثاني شريط الذئاب البشريه للشيخ ابراهيم الدويش00 أخذته البنت وقالت :مايفيد شي حياتي تدمرت وانفضح :(امري ولا في أحد يبيني 00في اليوم اللي بعده انقلت البنت من المدرسة 00