عفوك

موقف معا بنتي اثار وحرك اشياء بداخلي بكيت بحرقه سالت الف سؤال كم موقف بلا قصد اثارمشاعر باابوك وامك واكتموا دواخلهم اذا انا تاثرت بموقف بنت لسا طفله اجل احنا الي كبار وعاقلين كم كلمه ونظره مانلقي لها بال جرحت مشاعرهم وبكو بقلوبهم بدون مانشوفهم كم نقاش دار وكم تصرف ماحسبنا هل بيوجع امي هل من الادب اتصرف تسذا معا ابوي هل هشي بيسعدهم بنات بعضنا ماتدري ان امك وامي وابوك وابوي بمرحله من العمر يصير حساس مثل الطفل اي شي يزعجه اي كلمه تحسسهم بالنقص وانهم صارو حمل من جد مدري جاكم هشعور لما يتصرف ولدك الصغير ثمن تنقهرين ونتي عارفه انه طفل بس امومتك تحركت وانقهرتي وحسيتي بشي داخلك اجل احنا الكبار مو من المهم نحاسب على كل صغيره قبل الكبيره لما نتعامل معا هلمخلوقين الحساسين لما تتصلين بابوك او تشوفينه طيحي على رجلينه حبيها وامك بعد قوليلي لابوك يابه اتنومس انك ابوي افتخر يبه فيك قولي يمه انتي جميله حيل يمه شقد محظوظه انك امي لارحتي لهم البسي الي يحبون يشوفونه عليك والي يسر خطرهم وخذي معك الاكل الي يحبونه مو تروحين بصحن حلى لشايب وعجيز بلميه لاصرتي عندهم هجدي عيالك مو تفكينهم على راس الضعوف كنهم قرود الهدا لاحشيمه لكبر سنهم وانهم صارو بسن يبون الهدوء والاستكنان استغرب من بعص البنات تموت في زوجها الا تعجبه ابثرت قوقل كيف اعجب زوجي كيف ابهره وتعطرت وحرقت اذونهابلعود والعطور واي حركه منه قامت تنوح وتنهار وابوها وامها تقعد بليومين والثلاث ماترفع سماعه لهم ولااقعدت معهم علجوال اسالي اي بنت فقدت ابوها او امها افتحي قلبها وشوفي كميه الالم في قلبها ولو يرجع فيها الزمن تبي تعيش تحت اقدامهم اغتنمي وجودهم ولا رحتي لهم خليك السعاده والضحكه والنكته والفرح الي يدخل عليهم الحين قومي اتصلي يبه احبك يمه اعشقك بنات جعلنا مانذوق الم فقدهم وجعل ربي يطول باعمارهم بزود عمل صالح وزود صحه وعافيه جعل ربي مايختبر صبرنا فيهم وكل اب او ام خذاهم القدر جعل ربي يجعل قبره وقبرها روضه من رياض الجنه وجعل النار ماتمس اجسادهم اسال الله يغفر لنا ولكم ماعلمنا وما لم نعلم