عقاب المعلمتين اللي رفضوا التدريس في شقراء

السلام عليكم ورحمة الله وبركاااااته
كلمة الى كل مسؤول في الوزارة والى كل مسؤول في الاداره والى كل مسؤول في الاشراف
اولا ما اقول الا حسبي الله ونعم الوكيل لانكم داجين وجالسين على كراسي ماتستحقونها
ثانيا وش شفنا تحسن في المدارس وش شفنا تغير في الهيكلة التعليميه الا مناهج اسوا من اللي قبل حتى من غير تدريب وتهيأه للمعلمين والمعلمات
ثالثا انا لااعرف ظروف المعلمتين ولا كن مهما كان ماتوقع انهن يستحقن العقاب لنفرض انهم لا يحملون تخصص رياضيات وفارضين عليهم تدريسه او نفرض انهم متعاطفات مع زميلتهم اللي راح تاخذ اجازة استثنائية ولكن لايستحق لها التمتع فيها الا بعد موافقة المديره والتي تجبر المعلمات ان يوزع الجدول عليهم او ترفض اجازة زميلتهم بحكم القرار السيء الغير مدروس وهو ايقاف البديلات او لنفرض ان المنهج صعب واعداد الطالبات كثير ولا يستطيعون ايصاله بشكل جيد للطالبه وهذا هو المطلوب من العملية التعليمه واللي اصبح صعب تحقيقه بحكم الضغوط سواء من الجدول او الطالبات او المنهج اللي لازم له مراجع
طبعا راح نتكلم وحده وحده على المشاكل اللي في مدارسنا وياليت تتعالج بشكل جيد ومدروس في البداية ندخل المدرسة ونتوجه للادارة اللي ماراح تلاقي فيها مديرة وهذا الحاصل في كثير من المدارس وهو عدم توفر مديرة واذا توفرت مافيه مساعده فعشان كذا اغلب المعلمات يرفضون الاداره اذا طلب منهم لعدم توفر كامل للطاقم الاداري طيب ليش ما نروح لخريجات تخصص ادارة اعمال وهن المفروض اللي يتوظفن في الادارة ويكون التقديم على الادارة سواء مساعدة او مديره منعزل عن التقديم على وظيفة معلمه ويحمل تخصص اداري وراح يكونن الخريجات نشيطات وراح يادون عملهم باتقان وحيويه اكثر من معلمه اجبرت على اخذ هذا المنصب والتي قد لاتستحقه بحكم خبرتها القليله في هذا المجال
طبعا اتمنى ان جميع الخريجات يكون تخصصهم اداري ولايحق لاي تخصص اخر التقديم على هذا الوظايف اللي هي مديرة ومساعدة
طبعا نجي للاداريات والللي لازم يكون عددهم 3 في كل مدرسه ولازم يحملون دورة كمبيوتر وشهادة ثانويه
نجي للارشاد لابد انه يكون تخصص علم نفس وخدمه اجتماعية وعلم اجتماع والله اعرف معلمات كثير تلقيناه كيمياء والا رياضيات وتروح تاخذ ارشاد عشان تتفرغ لاياحبيبتي انتي تجلسي على تخصصك لان البنات محتاجينك اكثر في تعليمهم واللي يمسكون الارشاد تخصص اجتماعي ونفس الحكايه التقديم عليه يكون لوحده غير التقديم على وظيفة معلمة ويكون مخصص لحاملات التخصص الاجتماعي
طبعا نجي الحين للنشاط وماادراك ما النشاط اللي تلقين نص المعلمات غايبات عشان حصص النشاط والانشطه اللي تكلف فيها الا جانب اداها حصصها ليش مايكون موظفات مخصصات لهذا الشي ولا يداومون كل الايام لايكون هناك يوم نشاطي طبعا المعلمات ياخذون دورات للمناهج الجديدة وحصص نموذجيه والطالبات يكون لهم كل اليوم نشاطي طبعا الموظفات يحملن اي تخصص بما ان نص البنات مالقن وظايف اتوقع ماعندهم مانع يقدمون على هذي الوظيفه وهي يوم واحد ويكون له راتب الفين وكل وحده وكيفها افتحوا مجال للتقديم واذا فيه احد يبغى اكيد بيقدم طبعا نجي الحين للتقديم على وظيفة معلمة ليش مايكون التقديم عليها في بداية الترم الثاني ولا احديربطها بالنقل الخارجي او الداخلي واللي المفروض يكون في الترم الاول ولا يعطى اخلى الطرف اللي في نهاية الترم الثاني عشان يرفع الاحتياج بداية الترم الثاني ويكون التقديم في الترم الثاني و مع نهايته يكون توجيه المعلمات الجدد والمباشره في بداية الترم الجدد طبعا لازم يكون في تغير في التقديم تقريبا لهم سنين والتقديم مايفتح الامره وحده بالسنه وتكون في اخر السنه لازم النظام يتغير او يوقفون كل شي لمده سنه وتنزل آليه جديده احس الوزارة مخبصه بقوة والكل يبغى وظايف والاحتياج موجود والله قهر نص البنات في البيوت والمعلمات مضغوطات اذا قصدكم على الرواتب وتبغون تحللونه قللوا من الرواتب واقسموا الدوام نصفين ليش مايكون معلمات المواد العلمية الرياضيات والكي.....في الصبح والمواد الاجتماعية والعربيه بعد الظهر وبحيث يكون الدوام فترتين مجموعه تجي ومجموعه تروح والطلاب في المدرسة ويوفر لهم وجبات وغداء نبغى تغير ويشفون شي يحل مشكلة التعليم عندنا زفت ناهيك عن المناهج اللي تبغى صفحات كثيره ليش مايكون تركيز على حفظ القران في سن مبكر الابتدائي اقل شي اذا مانفعونا في الدنيا ننتفع بالاخره
انا اتوقع اذا المعلمة ارتاحت من النشاطات اللي تطالب فيها اللي جانب الحصص اللي تاديها او تكليفها بالارشاد والادراة الى جانب الحصص ماراح تقدر تعطي والله تعب عليه والمفروض لازم كلنا ناقف مع هالمعلمتين ونطالب بزيادة الوظائف والنظر في تعليمنا الفاشل نظره جيده دقيقه لانتاج جيل ناجح
طبعا انا مانسيت موضوع المعلمات الفاشلات اللي مايخافن الله ولا يشرحن وطايحين في موضة التخطيط بس اولا حلو مشكلة الضغط عشان مايكون للمعلمة حجه بعدين نعالج مشكلة المعلمات المتهاونات وذلك بتفاوت الراتب لازم يكون الراتب متفاوت حرام المجتهده يساونها بالنايمه حتى موضوع الغياب يتعالج اذا نقص الراتب على حسب الاداء الوظيفي اللي تقرره لجنه صدقوني كل المعلمات راح يجتهدن ويتنافسن الله المستعان بس


اترك المااااااااايك لكم