عقاب زوجي لي وشلون اتصرف

السلام عليكم ورحمة الله وبركاته


انا متزوجة من خمس سنوات وعندي طفلين الله يحفظهم
المهم يصير بيني انا وزوجي نقاشات كثيييرة ومشاكل وزعل ويغلط عليا وربي ونجلس كم يوم ونتصلح
انا اوقات الزعل من قهري اقوله ماسويت لي ماجبت شوف فلان وعلان وكلامي كان من قهري


المهم الحين طلع لي بحركة جديدة كل ماتهاوشنا يعاقبني ع الرررغم انه هو غلطان وربي ومرات يسسسبني ويتكلم عليا ويومين ويجي يصالحني واسامحه
اخر هوشة تهاوشنا قالي عقابك شهر كامممممل ماتطلعين من البيت قصده نتمشا لان اصلا المكان الي عايشة فيه ماحد حولي لا اهل ولاصديقات ولاجيران ماتعرفت ع احد
المهم طنشته وكذا مرا اطلبه نخرج ويقول لا معاقبة وانقهههر
مر اسبوعين ع عقابه وبينت اني مو مهتمة وانا صدق مقهورة وكل مانبدا بنقاش يقولي انتبهي لاتتمدد العقوبة يقهههههرني خير ان شاء الله بجلس كذا معه شاون اتصرف معه


امس قمت من الطفش سويت حملة تنظيف للبيت وبخرررت ونظفت الشقة كاملة ولما جا فرررررح وقال اسبوع من العقاب طاح الويكند جاي نتمشا
قلت لا انا مابي ( لان خير مو بكيفه وش ذا الاسلوب )
وقلت مالي نفس وعيب عليك ذي الحررركات والله عيب بامكاني اسوي نفس حركاتك واعاقبك


قالي ع وش تعاقبني ! ماسويت شي


قلت الا سويت المهم مابي افتح الماضي منتهي انا مابي اطلع وانتهى


قالي برررررراحتتتتتتك




يقههههر وجلس شوي يقولي عالعموم بنشوي جدول كل اسبوعين مرا نطلع لو تحبين قلت لا مابي اطلع مرااا عفت الطلعات






المهم افتح سناباتي وجو قلبي قهر كل الناس مسافرة وتتمشا وطلعات انا صدق مايقصر بس مووو دايم كنت موا بالاسبوع نطلع والحين مطنشته وشلون اتصرف معه مابي اطلع وياخذ العقاب حلا
ابي ابين له اخر همي تماشيه
وشلون انا ااعاقبه طبعا صايرة معه رسمية ولا اضحك ولا اسولف وهو قلب وجهه مكشر عليا الله يصبرني ع ذا الرجال