عقال و ترمس شاهي

والله ما ادري ايش اقول ....
سالفتي ماادري تضحك و الا تبكي والا ايش ...
ماطول عليكم ..
قمت الصباح و جهزت الفطور وصحيت عيالي لمدارسهم و راحوا و زوجي يداوم ٨ صحيته و لبس و تجهز و قمت افطر معاه الا جاب طاري الزوجه الثانيه وانه من حقه يتزوج ومن ذا الكلام ...
انا ضحكت بوجهه و طنشت السالفه وكل مره نفس كذا اطنش ولا اعطيه وجه و اضحك معه ... تمادى في الكلام و قال بجيبها عندك و تسكن بالغرفه انا هنا تهاوشت معه وقلت ماتدخل بيتي و هو حلف و انا وياه بالكلام و استثار غيرتي وانقهرت من كلامه و رفعت صوتي عليه و قلت اقطع وخس كلكم يالرجال كلاب الرجال ماتحمل وضربني بالعقال على كتفي انا هنا انجنيت و اخذت ترمس الشاهي و صكيته ببطنه و صرخت عليه ...
وانجن الرجال و قالي اقصري صوتك و رفضت وقلت قطعه و خسوه ....
طلع الرجال من عندي و ثوبه كله شاهي و زعلان ...


المهم اليوم رابع يوم ماشفته ولا جاء للبيت ...


انا احس براااااااااحه و انتصار عظيم هههههههههههههههههه ...
بس ماادري اللي سويته صح او غلط و اخاف السالفه تاصل لأهلي و أهله ... و ماابي ادق عليه ... و لا اعرف وين راح ....
مع العلم ان زوجي ماتزوج و لا عنده نيه ...