عقدة الأهل

يا هلا فيك شوفي مشكلتك هذة طبيعية و معظم الزوجات يحسون بالغيرة من أهل الزوج إذا قال أنهم كانوا أحسن أو أفضل .....
تصوري أنا كان يقولي مو أخته و لا أمه كان يقول يا أن مرت أخوي كانت تطبخ كذا أو كذا .....و أحيانا يقول لي روحي أسئليها وشلون تصلح كذا ؟؟؟
يعني صدق شئ يثير الغيرة ...بس ما أظلمه....لأنه كان دايم يمدح في أكلي و يقول النفس الحلو باين .....يعني باختصار حاولي تشوفين الأشياء الحلوة في زوجك و تغاضي عن الأشياء الشينة خصوصا إذا كانت بسيطة كذا ....ما تأثر على سير الحياة .....وتعلمي طريقة البحث عن عذر لزوجك .....


و إن كان و لا بد ممكن تغايرينه مثل ما يغايرك ...بس حسب طبيعة زوجك أنتي أبخص كانه ما يتقبل المزح بلاش منها ...... مزح برزح .....يعني قولي له أخوي كان ذوقة كذا .....أو أبوي كان يجيب لي كذا ....
و على طول بعدها قولي له ...زعلت ؟؟....كنت أمزح معك ....بس حبيت أقول لك أني أغار مثل ما أنت تغار .....و حاول إنك ما تقول هالكلام قدامي .....و أعرف أن هذا الشئ ما راح يقلل من مكانة أهلك عندي أبد .....و حقهم محفوظ و على عيني و راسي ...بس وش أسوي إذا كنت أغار عليك ....

ياعزيزتي عبير
الانسان مايشوف احسن من اكل اهله
زوجي يحب اكل اهلة مع اني طباخة تمام وانا كمان احب طبخ امي ومااشوف احسن منه وكذا فلا تزعلي ولاشىء لانه مادام يتذكر اكل اهلة حيتذكر طبخك الذيذ ولايمكن ينساه

الاخت نيارة

كلامك حلو و مقنع وطريقتك راح أجربها إن شاء الله
مشكووووورة وما قصرت..

أسيرة الأمل

حقيقة أنا أشوف بعض اخواني ما يبون طبخ أحد الا زوجاتهم مع أننا
الحمد لله طباخات بس زوجة أخوي نفسها تقول انه ما يحب ياكل إلا من
يديني (والله شئ حلو مو هذا اللي بس يذكر أهله وطبخهم )
وشكرا للمشاركة

انا الحمد لله ما خليتها مشكلة,, وما أثرت على حياتي لأنه ولله الحمد
إنسان راضية عنه كل الرضى
لكن لما أتعب واسوي اللي يحبه أبي نتيجة أو كلام حلو وهو ما يقصر
لكن أحيانا ومن فترة لفترة يطلعون لي أهله..

على كل شكرا للجميع

يا هلا فيك ....
و هونيها و تهون ...
و إن شاء الله تضبط معك الطريقة ...
و حطي في بالك أن السعاده بيدينا أحنا نحققها و بيدينا أحنا بعد نضيعها ...
و الله يسعدك أنتي و زوجك و لا يعكر عليكم بشئ .....

عبير حبيبتي انا ادري انه شيء يقهر بس انا صار لي نفس الشيء
وبعدين مع مرور الوقت تغير لانه كان يشوف اخوانه لما اصلح الشيء ينهبلون عليه ويبدون اعجابهم فيه...بس تعرفين الشباب الواحد اول
ما يتزوج يزينون اهله في عينه وبعدين المرد لزوجته،،،،،،،