عقدتوني في مسمياتكم الصعبة وش اسم هالنوع تكفون ترى الطبخة على النار

على فكرة لاتقولون ارجعي للموضوع المثبت لاني رجعت ومالقيت اجابة على اسئلتي <<--خانقتها العبرة:(

يا اختي بنت نجدالاسماء اللي ذكرتيها مالها اسم ثاني كلها انواع من البهارات الشيبه تشبه الطحالب البحريه الجافه وجوزة الطيب والخولنجان يشبه الزنجبيل او الكركم وكلها تلاقيها عند العطار وتضيف على الاكل نكهه لذيذة ان شاء الله انك هالحين عرفتيها ولا تخنقك العبرة:26: انبسطي :o

اختي العزيزة ,,,بـنـت نـجـد,,,

جوز الطيب = جازبوه = جوز البوه وبالإنجليزي = nutmeg رح تشوفينه بالجمعيات والسوبر ماركت الكبيرة بعلب مكتوب عليها بالانجليزي.

بالنسبة للشيبة والخولنجان انا ما اعرفهم بس متأكدة انها موجودة عند العطارين مثل ما قالت الاخت السنافية والأخت أم فيصـل ماقصرت حاطة صورتهم على هذي الوصلة :

http://forum.hawaaworld.com/showthread.php?s=&threadid=87561&perpage=15&pagenumber=3


ولا تزعلين من اي شيء

انا متأكدة ان الاكل الي يطلع من ايدك روعة والدليل اهتمامج بكل صغيرة وكبيرة و بمعرفة البهارات غيرج كان يهملهم ومايهتم يسأل ..

الله يوفقج يا اختي

اختك فداء النور

بسم الله

اختى الشيبه .....هي الأشنه .... والخولنجان ماله اسم ثاني .. وكذلك جوزة الطيب

اختي العزيزة ,,,بـنـت نـجـد,,,

بس حبيت اوضح لج شي انه جوزة الطيب اسمها بالفصحة" جوزة الطيب" بس احنا بالبحرين في بعض المناطق نسميها

"جازبوه" او "جوز البوه" يعني هذي اللفظة العامية عندنا في بعض المناطق

وطبعا بالانجليزي ا سمها nutmeg

تحياتي

اختك فداء النور :27: