عقدتي الرز الامريكي حلوها تكفون

هنا في امريكا ماعندهم غير الرز الامريكي اذا تذكرونه زمان وحنا صغار مره كانت جدتى تسويه شي ماصار ولااستوى في قدر الضغط الالماني ولونه ابيض واحيانا تسويه كبسه حمراء الله يعطيها العافيه عاد كبرنا ونسينا هاالرز وصرنا اذا اشتقناله نروح شوايه الخليج ونتذكر ايام الطفوله حشى قصه حياتي ههههههه المهم السالفه اني شاريه قدر الضغط الالماني اذا تعرفونه ومالقيت هنا لارز ابوكاس ولاغيره لقيت بسمتى في البقالات العربيه بس ينعجن في الضغط وفيه ريحه غريبه الظاهر انه قديم المهم قلت مافيه غير الرز الامريكي اهو اللي مالنا غيره عاد ابو الشباب بيعزم العزابيه ويبون حضراتهم بخاري بس يقولون نبيه مفلفل تشرط على كيفكم على بالهم طبخى احسن من طبخهم ماخذين فينا مقلب يالحريم المهم الهمه ابي تعلموني اشلون اسويه كم اخمره وكم المويه والزيت لان البسمتى يشر ب زيت كثير ابي تفصيل ممل عشان ادعيلكم اذا ضبط