عقدتي الغير طبيعيه، ساعدوني

السلام عليكم.

في آخر زياره لي (الاسبوع 36) الدكتوره قالت لي ان هذا لبيبي ماراح يطلع الا بعمليه قيصريه.
والسبب انها ما تقدر تكشف علي ابد. لان جسمي يكوون مررره مشدوووود غصبن عني.
واكون حيل متضايقه ومتوتره على الاخر.

قالت لي لو ابر الظهر الي بدنيا يعطونك ماراح يفيد. واتقول الي يشوف حالتي ووضعي يقول هذي مافي
امل تقدر تولد طبيعي.

(لا تقولون هي تعمل كذا للفلوس، لان في حالت هذي الدكتوره ماهي مسالت فلوس عندها ابد).

المهم هي كانت تبيني خلاص انحدد موعد. قلتلها طيب ماعليه بس خليه لي الاسبوع الجاي. وافقت بس ماكان عاجبها.

المهم مشكلتي امي بتكوون مررررره متضايقه مني لو درت ومعصبه علي.
وهذا راح ياثر كثير على نفسيتي علما اني عندي جامعه ومايرحموون علي ضغط كثير وبعد ما ان شاءالله اولد بسبوع وشوي راح ابدي امتحانات.

فوش اعمل؟ والله حالتي ماهو زي حال اي بنت لان اول ماتزوجت كان عندي مشكله كبيره ان زوجي يقرب مني
ومابقت دكتوره ودكتور نفسي وادويه ومافاد. الي فاد معي هو سووه البقره الحمدلله وعده المشكله ونسيناها.
وماني حابه اذكرها هنا. بس لان ري ماقلت له علاقه بالموضوع، وكا توضيح عن حالتي قد ايش كبير الموضوع عندي.


والله يجزي خير الي تساعدني وتسعدها وترزقها ماتتمنى.
والي ماعندها شي اتقوله تدعيلي


اضافه:-
ربي يجزي البنات الي ردو علي (والي بردون علي) كل خير ان شاءالله
ويسخر لهم الارض ومن عليها. ويسعدهم دنيا وآخره

بغيت لو سمحتوا يا بنات تعطوني حلوول، وقصص لناس كانوا زيي وش عملوا.
وش ممكن اقول للدكتوره، انا ودي اكوون مخدره وقت الولاده، يعني ماحس وماكوون مركزه لما يكشفون وغيره
وش ممكن يعطوني؟ ابي اكوون كني في حلم اني ماني في وعيي.
يعني مثلا ابره الظهر حل للالم.
انا ابي حل لحالتي، ويكون حل طبي غير طبعا القيصري.