عقدتي في طريقة كلامي تعبببت

جايتكم اشكي همي وعقدتي ويارب ياكريم القى ضالتي ويسخر لي الانسانة اللي تعطيني الحل الشافي...مشكلتي مثل ماكتبت في العنوان انا انسانة ابدا ابداماعرف اتكلم او اصيغ الكلام يعني اذا جيت بسولف كلامي ملخبط مافي تسلسل بالكلام اتكلم شوي واسكت شوي طريقتي مملة جدا جدا اللي اسولف معاه يطفشششش ووالله ماالومه ويوم اشوف الطفش عليهم قسم بالله من جوا اتحسر على حالي ياربي ايش اسوي عندي سوالف كثير عندي مواقف كثير بس لأني ماعرف اصيغ الكلام افضّل السكوت جربت اكثر من مرة اتكلم واقول موقف مضحك مريت فيه اقولها بطريقة باااايخة جدا مااحس عندي حصيلة لغوية عندي قحط في اللغة بعض البنات اشوفهم ماشاءالله طلاقة في الكلام وكل شوي اسمع منها كلمة جديدة تدخلها في قاموسها وانا مكانك سر احفظ من هنا ويوم اشوف البني آدم انسى كل شي وكل ماأطيح في موقف محرج بسبب طريقة كلامي اجلس السب الأيام اللي عشتها ايام طفولتي ومراهقتي لين تزوجت ماأذكر امي جلست معاي وتسولف لي او نتكلم ونتناقش تتخيلو والله كانت تمر العطلة الصيفية بطولها ٤اشهر امي ماتتكلم معانا ولا تسولف ابد ابد ولانحضر مناسبات ولا نروح ولانجي والمشكلة هذي كل اخواتي نعاني منها ..بس لمتى وانا اخلي الماضي شماعة اعلق عليها مشاكلي ابي حل اعطوني حلول قريت كتب كثير تابعت حسابات كثرت علي المعلومات وصرت تايهة مدري من وين ابدا ابيكم تعطوني حسابات لشخصيات يقولوا قصص او يتكلموا لعلى وعسى استفيد من طريقة كلامهم واقلدهم ..فكرت في طريقة الكميرة اسجل فيديو واتكلم واسولف كأن في احد قدامي بس كل ماجي اسويها اتراجع احس حالي هبلة ...ساعدوني الله يساعدكم ...وبس قبل مانهي كلامي انا شخصيتي من النوع الجاد ماحب المزح لأني اتحسس منه وملامح وجهي جااااادة اللي يشوفني قبل اتكلم بيقول شخصية وقوية بس للأسف انا عكس خوااافة نبر ون نفسي ملامح وجهي تكون من النوع المبتسم ..