السلام عليكم ورحمه الله وبركاته
فى الاول احب اشكر المنتدى وكل المشاركين فيه لانه حقيقى رائع واستفدت كتير منه
وانا عندى مشكله من زمان محيرانى وعجزت انى الاقيلها حل قولت اسال اخواتى الله اعلم يمكن واحده تفيدنى ويجزاها الله كل خير
هيا المشكله تخص اختى الاصغر منى ومشكلتها ترجع لخوفها من الزواج مش لاى سبب الا الخوف من الزواج فى حد ذاته ومن العلاقه الخاصه بين الزوجين
وده يرجع لمشكله حصلتلها وهيا صغيره انها دخلت بالغلط على غرفه والدى ووالدتى وكان عمرها اربع سنوات ومن يومها وهيا مش ناسيه اللى شافته ورغم انها دلوقتى عندها 22 سنه يعنى مش صغيره
بس ظهرت المشكله لما بدؤا يتقدموا لها العرسان وهيا توافق تشوف الشاب وبيكون كويس وكل البيت موافق عليه ولما تحس ان الموضوع هيكون رسمى تخلق اى مشكله علشان تسيبه
لانها معقده من موضوع الزواج وكتير بتشتكيلى انه غصب عنها ورغم انها عارفه انه انسان كويس بس مش بتقدر تتخيل انه حتى بعد الزواج انه يمسك اديها
وامى عارفه مشكلتها بس للاسف محدش فينا قادر يساعدها رغم اننا اتكلمنا معاها كتير اوى ونفهمها معنى الزواج ايه فى الاسلام واحكيلها عن قصص حب واحترام بين الزوجين
بس فكرتها وخوفها مش راضى يتغير ومش راضيه تغير نظرتها ان الراجل عايز الست عشان كده وبس
والله انا محتاره اعمل معاها ايه وخاصه انها دلوقتى متقدملها شاب قريبنا وبيحبها جدا وشكلها هترفضه عشان الموضوع ده ياريت تردوا عليا اعمل ايه لاننا فكرنا نوديها لدكتور نفسى بس مش لاقيين سيدات وانا شاكره لمساعدتكم:)
جولفدان @golfdan
عضوة
يلزم عليك تسجيل الدخول أولًا لكتابة تعليق.
نجود الرياض
•
انتي وين من اي مدينة الدكاتررررررررررة النفسيين مالين البلد واذا انتي من الرياض ابشري انا بساعدك
لازم تحلو الموضوع قبل فوات الاوان وقبل مايفوتها القطار واذا كانت مقتنعه بالشخص اضغطوا عليها شوي وخلوها توافق وقولولها ان بفترة الخطوبه او كتب الكتاب تتعرف اكثر على العريس ويتقرب هو منها وان شاء الله تقتنع فيه وتحبه وتنحل المشكله تلقائيا
الصفحة الأخيرة