عقلوني وساعدوني وحطولي خطة

اهلييييين
السلام عليكم ورحمة الله وبركاته

اختصاراً عليكم ..
أنا مررره ضايق صدري من نفسي
لاني أهملت الاكل الصحي المفيد
أول كنت أهتم بالخضروات والفواكه والحليب ووو
والحين طنشت كل شي
السبب بالبداية اني كنت ابي اقلل أكل عشان أنحف
بس بعدين تطور الموضوع وصار أكلي آخر اليوم صار يخلو من الخضروات والفواكه
للأسف أقولكم أنه ممكن أكمل يومين بدون فواكه وخضروات
تسألونني وش آكل طيب
أكثر شي تمر كل يوم كل يوم كل يوم .. أدري انه مفيد بس اذا مافيه خضروات وفواكه ايش الفايدة
وغير التمر آكل زبادي وجبنة بيضاء كثير
بالاضافة الى خبز نخالة أو بر تقريباً بشكل يومي

وطبعا هذا معناته اني مهملة مجموعة الخضار والفواكه تماماً
أنا ناوية أغير بنفسي بس مدري شلون..
المشكلة اني ما ابي أزيد كميات أكلي انا شبعانة ومرتاحة كذا
بس كيف أدخل المجموعة هذي بطريقة حلوة وخفيفة وبدون طريقة تزيد الوزن (لا تقولون لي كولي رز ومرق خضار الرز مطلقته من زمان)
بشرتي دااايم صفراء .. وصدق معد صارت منورة والسبب نوعية أكلي
بليز لا تعقدون علي الموضوع لاني انسانة مررره مشغوووووولة وما يمديني انتبه على نوعية أكلي وهذا مو من مصلحتي ..

فيدوني الله يرضى عليكم :44: