عقوق كبار السن

I قصة فيها عبر
تقول صاحبة القصة
امي وابوي تطلقوا من كنت صغيره وعشت مع ابوي تزوجت ولد عمتي وسكنت معاهم بنفس البيت، كانت جدة زوجي ام ابوه عجوز وماعندها الا هالولد اللي هو زوج عمتي ومسكنها معاه بالبيت، عمتي كانت تكرها ومع ذلك تخدمها لكن منعوها تسكن في غرفه بحجة انها تكون قريبه من الحمام فخلوها في الممر حق الحمام لما يجي احد تقولهم هي قالت تبي قريب من الحمام كان الداخل والطالع يشوف عورتها لانها كانت تلم ملابسها عشان مايجيها نجاسه واذا جاء شئ في ملابسها من نجاسه او على اﻻرض تقوم القيامه عليها، كانوا مخصصين لها مواعين معدن معسفه لو تشوفها تقولون طالعه من تحت كفر سياره مااحد يشرب فيها او ياكل محرمه على جميع البيت كانها نجسه، اﻻطفال كانوا يعاملونها معامله سيئه مااحد ينهاهم يضربوها يرموها عادي كأنها حيوان في البيت، محد كان يجلس معها او يناديها جده واذا جاء احد يزورها يسحبونه بحجة ان ملابسها ومكانها نجس، ولدها يحط الاكل قدامها ويمشىي اهم شي عنده انها تعيش، عمتى كانت تغسلها وتلبسها بتذمر وتسخط وتقول متى تموت هالعجوز، الشي المحزن اكثر ان نشاطها كان يجي بالليل وتقوم تلف البيت وتنادي وتسولف بروحها وبعض المرات تنفض الكراسي وتكنس بالعصا واهل البيت نايمين لما تصحى العائله الصباح يلقوها غاطه نوم يصيحون عند أذنها ويدقون بالعصا في الكراسي وكل من دخل او خرج يدق الجرس وﻻيرمونها بالمخاد، كنت اذا احسنت لها ولا جالستها ولا اطعمتها شي تجي عمتى تمرمطني اخر شي بكيت من الظلم اللي اشوفه بعيني قلت لزوجي انا مااتحمل اذا ماتبونها جيبوها عندي كلمهم ولدهم قالت عمتي جت البنت الباره عاد بنسافر ونحطها عندهاونشوف شطارتها يومها ماكان عندي غير طفل والله سافرت وتونست هي وبناتها وخليتها عندي شهر كامل ماطلعت وﻻمكان ولا اشغلت نفسي بااحد والحمدلله اللي وفقني والله كنت احس بسعاده عظيمه كان اذا جاء زوجي يساعدني ارفض ابي انا اﻻجر كنت اروشها والبسها واعطرها وحطيتها بأحسن مكان واذا نامت طفيت اللمبه وسكرت الباب كان عقلها يجي ويروح فقلت خلني اذكرها على الصلاه يمكن تصلي كلمتها قالت ايه بصلي كلمتها عن ايش يسألها الله في قبرها عن ثلاث من ربك ومادينك وحفظتها وعلمتها على اذكار بسيطه والله قامت وصلت وذكرت الله وهي ذاكرتها غايبه كنت أأكلها بيدي حتى وليدي الصغير صار يأكلها معي ويحبها، اذاوسخت اكرمكم الله اخذها هي وملابسها واحط ملابسها في غسله لوحدها وطيبها وعطرها واغسل مكانها ولا كأن شي صار، رجعت عمتي قالوا جيبوها قلت لهم صحوها واستشيروها، يوم صحوها الا هي متوفيه 😞💔 والحمدلله والله كانت تدعي لي بالجنه وبالبركه وبكل شي وبنفس اليوم اللي ماتت فيه الصبح حلمت ان فيه حرمه واقفه على الباب محتشمه وﻻشي يبان منها قالت شفتي هالضعيفه الله يدافع عنها، قالت شفتي هالباب قلت ايه وكانت تأشر على باب عمتى الله راح يجازيهم والله ياعالم اني شفت فيهم عجائب قدرته، بنت عمتى الكبيره جابت ولد واحد من 17 سنه وعاق فيها جداً، والثانيه كبرت وماتزوجت لليوم والثالثه عندها انيميا حاده والرابعه تغسل كلى .. والله ان الكبار بركه بالبيت وثقوا ثقه تامه أي شي تسوونه بيرجع لكم سواء خير أو شر ..
افعل الخير وستجده بحياتك إن الله لا ينسى عبده .......👍🌹