عقييييييييييم وعندي طفلييين واحس بالذنب

بســــــــــــم الله الــــرحمن الـــرحيــــــــــم


السلام عليكم ورحمت الله وبركاته اخواتي ما كتبت قصتي الا بعد معاناه مع نفسي وما كتبتها الا ابي بعض اخواتي

في الله ات يتعضو من الي صار لي والحمد الله على كل حال قدر الله ما شاء فعل .

ابدا قصتي :تزوجت من خمس سنين والحمد الله وفقت بزوج طيب وكريم وحنون ويعاملني كاني ملكه عنده مو زوجه

وبس.

واهله ناس اطيب منه بعد والحمد الله رزقت ببنت وبعده سنتين رزقت بولد وكلهم بعمليه قيصيريه لاني ومثل ما قالو

الاطباء ما اقدر اولد طبيعي وبعد خمس شهور من ولادتي بولدي حملت بالثالث غصب عني لاني استخدم مانع بس

خفيف حبوب منع الحمل الي هوه خفيف ما ينشف الحليب الي ارضع فيه ولدي المهم حملت بالثالث وانا المفروض

اني ما احمل لاني قيصريه وعشان صحتي لازم اجلس 3 او 4 سنوات وبعدين افكر احمل بالثالث بس الله قدر علي

وحملت حاولت انزله قبل ما يكبر في بطني او قبل ما يدخل الشهر الرابع بس ما قدرت ,في الشهر الثالث طلعت سفر

طويل بالسياره تعبت ونزفت ووقف النزيف بعد العلاج بسمو مره خفيف الي كان ينزل.

رجعنا البيت بعد السفر وطلعت ملاهي ولعبت لاني حسيت اني بخير الحمد الله اليوم الثاني نزل جنيني وعمره 13

اسبوع رحت المستشفى عملت تنظيف وقالو خلاص وبعدها تفاجؤو انه فيه نزيف عندي خيرو زوجي مابين حياتي

وما بين استئصال الرحم اختار حياتي ويا ليته تركني اموت برحمي معاي ولا اتعذب مثل ما انا متعذبه هالحين اشوف

الاطفال الصغار اشتاق اني احمل واولد واضم طفلي لصدر ي وارضعه .......


اخواتي ارجوكم ساعدوني قولو لي كيف ارتاح من هذه الحاله الي انا فيها ..

1-هل الي صار لي عقاب من الله لاني حاولت انزله .(بس ما حاولت انزله الا ان الدكتوره قالت لي رحمه لك لو نزل )


2_هل لو منعت زوجي من انه يتزوج علي اكون انانيه.(افكر احيانا ازوجه لانه يحب الاطفال بس قهر لما وحده تاخذه مني)

3_هل انا اذنبت وقتلت طفلي لاني لعبت في لعبه المفروض اني ما العبها :icon36:


كلمت شيخ وقلت له قصتي قالي 13 اسبوع لم تنفخ الروح فيه وليس عليك شي سوا التوبه وكثر الاستغار فالله تواب

رحيم.



اخواتي اعتذر لاني اطلت عليكم لكن نفسيتي تعبانه ودائما ابكي حتى وانا اصلي وانا ارتب البيت ولما اجي انام

ابكي لما اسمع عن صديقاتي انهم ولدو ولما اسمع زوجي يقول خويي جاه ولد والثاني جأته بنت اجلس ابكي وابكي

وابكي قووووووووولوووووو لي شنو اسوي اقرا قران كثير اصلي استغفر بس دائما حزينه حتى اطفالي يقولو ما ما

جيبي لنا نونو اخليهم واروح عنهم ودمعتي على خدي .



اسفه اطلت عليكم الكلام بس والله نفسيتي تعبانه مررررررررررررررررره قلت ابي افضفض لكم .


(الله المستعان, الله المستعان, الله المستعان) ادعو لي ان الله يخلي لي ولدي وبنتي وزوجي ويهديهم ويحفظهم


من كل شر .