علاج الاكزيما بإذن الله والحساسية مجربة

بنات بنات بنات
الي عندها حساسية بيدها او باي مكان
ذيك الاكزيما الي جافه مره وتتقطع يدها



كانتتتتت فيني والحمدللله بعد معاناة اربع سنين اختفت في اسبوع بعد الله
من علاج سههههل موجود في كل ديره وحولنا وحولينا 😭😭


فرحت مررره طبعا قلت مستحيل انقل تجربتي لين اتم عليها فترة طويلة
وفعلا جلست سنتين مارجعت لي يارب لك الحمد


وبنقلها لكم لعلي افرج هم كل بنت تعبت منها وتشوهت يدها مثلي والان ياربي لك الحمد معافاااااة



الطريقة سهله بكتبها والي عندها اي استفسار تجيني وتبشر بالرد والمساعدة لوجه الله ❤️


الحل : عصارة نبتة العشّر الي تجي بالبر

ايه هذي هي المادة البيضا الي تطلع من ساق النبته زي الحليب

اخذتها وحطيتها على يديني لين جفت وغسلت عنها زييين زييين
ورطبت باي كريم انا بفازلين

كل يوم كنت اسويها لمده خمس ايام

بعد اسبوع تلاششششت تماما الى يومكم هذا ولله الحمد




ملاحظات مهمة جدًا :
١- سامة النبته ماتنوكل ولاتنقرب من العين او النفس حطيها وخليها لين تجف فقط وغسلي عنها زين بالماء والصابون بعد جفافها على يدك وبس


٢- ماجربتها للاطفال للان
٣-ناس جربوها على القوباء وعلى الدماميل والاثاليل ونجحت

٤- مهم مهم تسوين اختبار حساسية منها تجربين على منطقة صغيرة من ذراعك او يدك ثم بعد جفافها تغسلين عنها وتنتظرين ٢٤ ساعة اذا ماتحسست مناسبة بإذن الله

٥- بتحرقك شوي اذا حطيتيها طبيعي لانها جافة يدك ومجروحه بعدين لا

اي استفسار ماذكرته تتفضل تسالني
والله يكتب النفع يارب والشفاء لكل من يعاني من هالامراض 🤍

دعواتكم لي 🤍