علاج الالتهابات و التكيسات

بسم الله الرحمن الرحيم
حبيباتي الغاليات و عضوات عالم حواء ..
حبيت افيدكم بتجربتي الخاصه للي معها التهابات او تكيسات او تبي الحمل من تجربه خاصه و حابه افيدكم . وما أبي منكم غير دعوات حلوه و تحقيق الأمنيات و تفريج الهموم لأن هذا راح يكون اخر موضوع انزله و راح اطلع ولا أعلم متى أعود .... لنبدأ :


علاج الالتهابات :
نص فنجال مره
فنجال علك مر
فنجال عصفر
فنجال حبه حلوه
ملعقة عنزروت
ملعقة مقل
تخلطينهم و تطحنينهم و تحطينهم بعلبه و تستخدمينه من رابع يوم من الدوره ولمدة ١٥ يوم ملعقه صغيره في الصباح و ملعقه بالليل وتشربينه عليها مويه .... بعد ١٥ يوم توقفين ...


&&&&&&&&&&&&


علاج التكيسات :
فنجال شمر
فنجال كمون
فنجال حبه سوداء
فنجال حلب
غير مطحونات تخلطينهم و تحطيهم بعلبه و جيبي ترمس حطيه فيه ملعقتين من الخلطه و صبي عليه مويه حاره بسكر و اتركيه ينقع ١٠ دقايق و بعدها تقهوي منه . اشربيه فقط ايام الدوره ...




&&&&&&&&&&&&&&&


الحمل :
بعد الساعه ١ منتصف الليل افرشي سجادتك و ادعي و ادعي و ابكي و تصدقي لو بمويه على الشباك للعصافير ... بنية الحمل و بوقت المطر ...
بعد أذان الفجر و الدنيا مطر بهذه اللحظه دعيت و بعد شهر حملت ببنتي ...
و السنه هذه تأخرت بالحمل و بشهر ٨ و ٩ ماتركت ليله الا ادعي واقوم بالليل وادعي الحمل المتعافي و السليم و الحمدلله ب ثاالث اسبوع من رمضان طلعت حامل ....
تقربوا من الله بنيه صالحه و بيعطيكم اللي تبون ...


&&&&&&&&&&&
ملاحظه : علاج التكيسات انا استخدمته وقت الدوره لمدة شهرين ولله الحمد راحت التكيسات ... والحريم يختلفن مو لازم كلنا شهرين ممكن ٣ وممكن ٤ ....




استودعتكم الله الذي لاتضيع ودائعه ، سبحانك اللهم و بحمدك أشهد أن لا اله الا انت أستغفرك و أتوب اليك ...