علاج الانفصال العاطفي

السلام عليكم
كلنا نعرف وش يعني الانفصال العاطفي
يعني الزوج والزوجه بالبيت وجودهم كعدمه
ملل الزوجين ونفورهم من بعض .. اهمالهم لبعض .. التكبر الغرور .. والتعالي .. كل هذه الامور وتوابعها
يعني لا شعور تجاه بعض كأنهم منفصلين جد
وهذه الفتره تحضيريه وتمهيد الى الطلاق الفعلي اذا ماتم علاجها والتصدي لها .
المطلوب .. لازم الزوج والزوجه يخلون في بالهم هذي النقطة
ان لا كرامه ولا عزة نفس بين الزوجين .
اذا ما تنازل زوجك انتي تنازلي و تقربي له .. ممكن تحصلين كلام جارح اهانات ويمكن يطردك من الغرفه ولكن كوني قوية ولا تتلفظين بأي كلمه وقولي له على راحتك واطلعي
لازم تخلين في بالك شغله ان زوجك اذا كانت له ردة فعل مثل هذه افهميها انه عتبان عليك ومشتاق الى انك تراضينه وحاب يتغلى عليك ومعناه الي صار ان هو قابل انه يرجع معاك وبسرعه بعد .
و اتركيه يفكر بنفسه .
يقول هي جايه تراضيني وانا اسوي فيها كذا
اكيد كسرت بخاطرها
بتشوفينه راح يجيك بنفسه
وراح يعاتبك بشده انتي كذا وانتي كذا ومالي شغل فيك
لا تعتبريني موجود ولا تسوين لي شي ..
يمكن حتى بالطلاق يتكلم


انتي اسكتي وقولي له على راحتك مو مشكله الي تبيه بيصير .
وواصلي في هدوءك وخليك من داخل ريلاكس جدا ..
وقومي وكملي اشغال بيتك ولا تعتبرين شي صاير


راح يلين ويرجع معاك وما كأن صاير شي
واذا رجع معاك انتي تعاملي معاه بكل هدوء واحترام
حتى وان عصب وصرخ عليك .. طنشي وخلك هادئة ورزينه
حاولي تكسبينه ..


عطيه كلام حلو .. مافي شيء تخلين فيه صبر و اراده ما يتغير للاحسن ..
وعن تجربه ..
الحياة الزوجيه بشكل عام يبغالها فن برود الاعصاب اذا الوحده كانت تبغى حياتها تستمر .
واكيد بعض الردود بتقول لي وش حادك تعيشين بضيم عشان ترضين زوجك وتتقربين له وعيشي لنفسك


احنا في مجتمع مع الاسف ينصف الرجل اكثر والرجل لكون الشرع محلل له اربع ..
الي ماعندها عيال غير اللي عندها عيال غصبا عنها لازم تتحمل
لانها الارتباط صار اقوى وحتى لو انفصلت عنه راح تبقى ام فلان وهو ابو عيالها .
افهمي اللي صار من بعد ما حاولتي تراضينه وتتقربين له ان هو يتغلى عليك ..


يعني في وحده اعرفها خواتها ينصحونها اذا رحتي تراضينه بيعطيك كمية كلام جارح وكلام غلط .. بس افهميها قاعد يتغلى عليك.. تخيلو تروح تراضيه وفعلا .. يجرحها ..
وتفتلت عليه بالكلمات الجارحه يعطيها كلمه تعطيه عشر تقول الشرهه علي والله جايه اراضي واحد من امثالك .. وصارت بينهم مسبه قويه
هههههه اتخيلو ..
كأنها تزيد النار حطب
الله يصلحها بس
مع اسلوبها هذا وانها ما تتنازل ابد
انتهت حياتهم مع بعض بالانفصال .. مع الاسف
اتمنى من الله يهديها ويردها الى زوجها
وبينهم بنت ..


لا تقبلين يهينك .. لاتقبلين يغلط عليك بس لا تردين عليه بنفس اسلوبه قولي له جزاك الله خير يجي منك اكثر .. وانسحبي وخليها بخاطرك يعني بيني له انها بخاطرك ..
ما اقولك دلليه واشبعيه دلال لدرجة قاعد يشوفك بلا قيمه ولا يحط لك قدر .. لا خلك ثقيله ورزينه وتتحلين بالاخلاق وروحك رياضيه مع العشره راح يتغير ..


بس من بعد ما تراضينه كثري من الدلال ... بعدين بالتدريج ارجعي تكوني متوسطه في دلاله
خصوصا عندكم عيال فكري في عيالك ..
عقوق الابناء ناتج من قلة احترام الاهل .


اذا احترمتيه وعلمتيه يحترمك راح يحترمونكم عيالكم


علاج الانفصال العاطفي
لازم الزوجه تتقرب لزوجها وتدلعه وتجذبه وتحاول تصنع جو المرح لاتصد عنه تجدد العلاقه وبعد ماتكسبه تبدأ بالتدريج ترجع تكون متوسطه في الدلال ..
لان كثرة الدلال راح تفسده ..
واذا كان ينفع معاه وتحسين هالشيء بالفعل ناقصه منك فاستمري بس اذا كان مزاجي ومغرور .. ابدأي بالتدريج وبالتالي دلليه بين فتره وفتره .


انا خايفه بصراحه من بعض الردود هههههه ومتأكده في احد بيقولي وش حادني عيشو لنفسكم ومن قالك مافيه كرامه وعزة نفس .. انا ماتكلمت الا عن تجربه