الله يشفي عيالنا يارب

للانف لسه صغيرة لاتستخدمين لها الا محلول الموية والملح سواء القطرة او البخاخ طبعا باستشارة الدكتور
ولدي من انولد نستخدمها يعاني لدرجة مايقدر يبكي من الكتمة الي تجيه..
لكن لما تحطين القطرة نوميها على بطنها عشان يطلع الي في خشمها وغالبا ارفعيها عشان ترتاح وتقدر تتنفس..
والغازات نقط ديسفلاتيل استخدمتها لبنتي والحين بديت فيها لولدي وان شاء الله ربي ينفع بها
وشاي الاطفال من الصيدلية خليه دافي لاني ماحب خربطة الاعشاب للصغار..

ولاتقولين مافاد انا ولدي يجلس الليل كله كل شوي احط القطرة مايقدر يتنفس وارفعه وارجعه وحالة انا واياه بس مالنا الا الله ثم هالقطرة ومرات ماشاء الله تفيد بوقت اقل.......بس اهم شي ارفعيها وامسحي الي يطلع لايبقى بخشمها وينسد من جديد
واليوم جربت البخاخ يقول الدكتور افضل لانه ينتشر بالانف وماينزل للحلق..والله ينفع به يارب..

للبلغم عسل وليمووون..

وللكحة والحساسيه : كسرة مره وكسرتين لبااان وشوي حبه سوادء نقعيهم بمويه وعطيها مملعقه الصباح وملعقه الليل بس خليه خفيف جدا عشان مايضرها..

الله يشفيهاااا

احيي الدكتور هذا اللي رحتي له ما تسررع وصرف لها مضاد حيوي

أنا بنتي وهي اصغر من بنتك وما كان عليها حرارة بس احتقان بالحلق لآن البيت وقتها كان كله مريض صرف لها مضاد

ويوم كان عمرها اربع شهور تعبت شوووووووي ووصلت حرارتها 37.5 وصرف لها مضاد حيوي

قلت له ليش يا دكتور حرارتها مو مرتفعة ولا شكلها تعبان

قال عادي المضاد كميته قليلة

الله يشفي بنتك

ان شاءالله ايام وتخف

نصيحة مني رضعيها طبيـــــــــــــــــــــعي

لآن الحليب الصناعي يزود البلغم

شوفي حبيبتي ...بنتك نفس مشكلة ولدي والله ما خليت ولا علاج معاااااه ولا نفع معه شىء ..ونصحتني وحده الله يجزاهاا الجنه بزيت الزيتون ادفيه وقبل النوم امسح بطنه وظهره وباقي جسمه وانقط كم نقطه في أنفه واللبسه ملابس وشراريب تدفيه ثلاث ايام على هالحال
والحمد لله بعدهاا ما شاف ولدي إلا العافيه ولله الحمد ... اعتمدي هالشىء مع بنتك وراح تدعين لي