هلا اميرة الاحلام

الله يرزقج الذريه الصالحه

ويمالج من الازعاج وصيحة اليهال<--------------------اسال مجرب

انا كنت ناويه اشيل الحلقه بس اليوم قريت خبر بجريدة الراي العام وضاق خلقي حييييييل وهونت مابي اشيلها

وحده مسويه تحزيم بهولندا وبغت تشيل الحلقه راحت مستشفى مبارك ويوم سوت العمليه

شالو المعده!!!!!!!!!!!!!!!!!!!!!!!!!!!!!!!:( :(

والحين البنت بالعنايه المركزه........قلت لايحوشك ماني شايلتها خليني على مينوني
================================================

انا نزلت عليها 45 كيلوخلال سنتين.

وانشالله ناويه انزل بعد بس مو الحين بعد الولاده.

انزين بنات كلمونا عن التحزيم المعده بعد اشلون العمليه سهله وشلون معناتكم بعد العمليه وين سويتوها اب اي مستشفى بالكويت
وشلون طريقه الاكل بعد العمليه ومنو الدكتور وجم كلفتكم اسفه على الاسئله بس انا محتاجه مساعدتكم
بنت الكويت ماجده اليتامى دكتورة امراض نسا سوت لج منضار شنو للتحزيم ولا شنو قصدج
سامحوني اذا ثقلت عليكم بالاسئله :11: :08:

هلا حبيبة امها

هلا باسالتج:)

بس ممكن سؤال؟؟؟؟؟

انتي من وين؟؟؟؟؟؟

بالنسبه للدكتوره ماجده اليتامى اهيااستشاريةامراض نساء وولاده

واهيا الي سوتلي منظار للمبايض
======================================

بالنسبه لعملية تحزيم المعده
---------------------------
تكلفة الحلقه=850 دينار
تكلفة العمليه = بلاش لانها بمستشفى مبارك الكبير وهو مستشفى حكومي
اسم الكتور= د.موسى خورشيد وترى هو اشطر دكتور بهالمجال
=========================================
بعد العمليه تشربين بس سوائل لمدة اسبوعين.
وبعدين تبدأين تاكلين عادي بس لازم تاكلين ببطئ وتمضغين عدل عدل
=========================================

هلا والله بنت الكويت حبيبتي انا كويتيه بس انا في بريطانيا مؤقتا على ما نخلص انا وريلي من الدراسه والمشكله ان ودي بالتحزيم المعدى بس اهني في بريطانيا صعب ما يسونها لاي احد وصراحه ينخاف منهم الانجليز انا ما احبهم انا صارلي 4 سنوات اهني ومحد راضي يعالجني عشان السمنه فناطره انشالله وهذي اخر سنه لنا اهني بس ارجع الكويت اذا الله راد اسوي العمليه بس انا خايفه من المشاكل اتلي اتصير بالعمليات وايد ناس دشوالعنايه المركزه من التحزيم طبعا غلطات من الدكاتره اثناء العمليه فشرايج تنصحيني اني اسويها
انزين ممكن اتقولين لي جم يوم قعدتي بالمستشفى لاني الصراحه ما حب مستشفى مبارك ودخلتها ابروحها اتيب الغم ما حبها يقدر الدكتور يسويها لي ابمستشفى ثانيه

هلا بحبيبة امها

الله يوفقكم وترجعون وتنورون الديره.

انا دخلت يوم الثلاثاء وعمليتي كانت الاربعاء وطلعت الخميس

يعني يوم قبل العمليه ويوم بعدها.

العمليه مو صعبه بس على حسب الدكتور مو اي دكتور يضبطها احسن دكتور د.موسى خورشيد

مره شفت وحده قالتلي ان دكتور موسى سوالها العمليه بمستشفى الاميري

ووحده ثانيه سوتها بمستشفى هادي(خاص)

انا انصحج تسوينها انا ماضعفت الا عليها وبعدين فيها ميزه ماتردين الوزن الي نزلتيه

حتى اونا حامل في بنتي مازدت الا 6 كيلو بس