اسفه يابنات اللي طلبت الرقم مني ماقدر ارسله الحين لان عندي عطل في الرسائل الخاصة
انتم مثلي عندكم عطل؟؟؟؟
والله قاعده اقول لنفسي يارب الله لا يحجوني اروح لاي دكتوره ولا الي ممرخه بس يختي للضروره احكام
طيب الواحد متى يروحلها عشان الزحمه؟؟؟ لاني اكره الانتظار
طيب الواحد متى يروحلها عشان الزحمه؟؟؟ لاني اكره الانتظار
الصفحة الأخيرة
وفي اشياء ثانيه قلت لها عنها مثل تكيس وتاخر حمل وجاوبتني قالت لي هالامور مالي دخل فيها هذي من الله تقصد التكيس وتاخر الحمل بس قالت بعطيك علاج ينظم عندك الدورة وعطتني ثلاث اكياس كلها اشياء مطحونه بس انا اشم فيها زي الدارسين والكمون
واحد منهم قالت استخدميه كل ايام الدورة اخلطة مع كاس حليب
والثاني لهوم ملعقة عقب ماشرب الحليب
والثالث قالت بعد الدورة تاكلينه كل يوم وماتتركينه ابد
وكل دورة استخدمي العلاج اللي عطيتك
واذا مر خمس شهور ماحملتي تعالي لي اعطيك علاج ثاني
واذا حملتي تعالي اعطي علاج عشان ماتسقطين بأذن الله
بالنسبه لصداع الراس قالت لي هذا هوا في راسك واكيد معك غازات كثيرة قلت ايه
وكشفت على منطقة السر عندي وقرت علي شوي وقالت انتي عندك وجع في الظهر قلت ايه
المهم العلاجات اللي عطتنيها كلها لوجع الراس وتلخبط الدورة
يعني اللي تعاني من هالامور لازم تروح لها وتقول وش فيها وتعطيها العلاج
وحتى اللي تعاني من الفطريات تروح تاخذ العلاج منها وهي راح تكشف على سرك وتعلمك اذا عندك فطريات ولا لا
اما بالنسبه للي معها فطريات ومعها هواء ومويات قالت لنا عن غسول وشي نتبخر به احنا نسويه
والغسول عبارة عن
كاس من الارطى تلقينه عن العطار مطحون ريحته زي الحنا
كاس من الكرمع
كاس قرض
وكل ماكثرتي من هذولا صار احسن
كذا اسمائها اسألي العطار عنها
احطها في قدر واصب عليها ماء تقريبا 2 جيك ماء
واحط بياله كمون
وبياله مرة مطحونه
وبياله ملح خشن
اخليها تطبخ على النار لحد ماتغلي
واتركها تبرد واضعها في جيك الجيوك البيضاء واحطها بالثلاجة واستخدمها مرتين في اليوم
وكل مابغيت شوي اغتسل بها اطلع شوي وضيف شوي عليه مويه حارة عشان تدفى بعدها اغتسلي بها
بس لاتخلينها برا لانها راح تخيس لان الكمون يخيس لو حطيتيه برا فترة طويله
واغتسلي به دايم عشان الفطريات والتهابات والمويات والحكة
يعني مو فترة اقل شي مرة في اليوم
اما اللي تبخرين به
تجيبين طينه هذي اللي تستخدم في البناء وتطبخينها على نار مباشرة بدون قدر ولا شي لحد ماتصير حمراء مرة
بعديت تجيبين سطل وتحطين فيه ماء بس لاتملينه
وحطي في السطل
ملح +نعناع ورق+كمون الكميه كل هذي الكميه اللي تبين
وبعدين تجيبين الطينه وتحطينها بالسطل بحيث انها تكون نصها في الماء ونصها بر والافضل تكون الطينه كبيرة مو صغيرة
وتكونين انتي لابسه قميص واسع وماعليك ملابس داخليه وتوقفين على السطل اللي فيه الطينه لانه اذا حطيتي الطينه راح تبخر وخلك واقفه عليه لحد ماينتهي البخار
هذي استمري عليها ثلاث ايام متتاليه وكل شهر سويها ثلاث ايام متتاليه
بعد ماتبخر بها احط كسرة مرة في شاش ثم اضعها جوا واترك جزء من الشاش برا وانوم بها واذا اصبحت راح تلقين المرة ذابت بس طبعا بللي الشاش شوي قبل ماتدخلينه
اتمنى يكون شرحي واضح واني افدتكم
اما بيتها فهو عند بن دايل
اذا تعرفين الشارع اللي يفصل سوق دايل عن محلات الموكيت تدخلين معه مو الشارع اللي فيه كليه البنات لا اللي بعدة
تدخلين معه وراح تكوم محلات المادخل والمواعين اللي فبن دايل على اليمين ومحلات الموكيت والسجاد ومن ضمنها محل القفار على اليسار امشي على طول لحد مايجيك لوحة صغيلرة مكتوب عليها دواجن الزهراني بيجيك بعدها شارع ادخلي معه وامشي اتركي العمارة اللي فيها محل دواجن الزهراني راح تجيك عمارة ثانية اتركيها العمارة الثالثة على مأظن تدخلين معها يمين وراح تلقين بيتها على اليمين اول بيت وهو عبارة عن عمارة مو بيت طين وراح تلقين عندها سيارت كثيرة
واذا ماعرفتي الوصف زين اٍسألي زي ماأنا سألأت وراح يعطونك الوصف على طول لانها معروفة
وخذت علي 150 واختي 150 ولقت مع اختي فطريات لاعبه فيها لعب على قولها
وترى هي حذرت من الحلبة وقالت قبحها الله انتبهوا تاكلونها هي سبب المويات وسبب كل البلاوي
وعموما ترا وصفه الغسول تقول استخدميها وقت الدورة ووقت النفاس واي وقت تقول لايخلى بيتك منها ابد
واللي يبي رقمها يقولي وارسله
وانا جيت لقيت عندها حوالي اربعين حرمة سالت بعضهم واللي قالت اناه تسقط اذا حملت دايم وعطتها علاج يثبت حملها لمدة 8 شهور وولدت طيبه
واللي تقول لي ثمان شهور ماحملت وعطتني علاج وحملت بأذن الله
وترى هي معروفه في الرياض وعالجت كثير بأذن الله
ادعوا لي يابنات بالذريه الصالحه وان الله يسخر لي زوجي ويرزقني اللي في بالي