السلام عليكم ورحمه الله
منقوله من صاحبة للفايده
اللهم صلّ وسلم على نبينا محمد عدد ما ذكره الذاكرون وعدد ما غفل عن ذكره الغافلون.
انا لاحظت كثير ناس تشتكي من الاكزيما خاصه هنا فحبيت انزل هالموضوع واكسب اجر والزيت تجربه اميمتي ربي يطول بعمرها
كانت تشكي من اكزيما برجولها واعطاها الدكتور دريموفيت بدون اي فايده بس اضرار عالفاضي وتحسن بسيط مؤقت
وماكانت تقدر حتى تمشي من الالم على فكره هالزيت يقاله الزيت الاحمر
يسوونه الحريم الكبار بالسن وانا بحثت عنه بقوقل بس مالقيت اي موضوع يتكلم عنه يعتي تقدرون تقولون
هالوصفه حصريه لعالم حواء
وهالزيت ينفع للاكزيما والبواسير والحروق والجروح والدمامل
امي لما لقت فايده صارت تسوي هالوصفه لبنت خالي صغيره بالابتدائي والحمد لله تلاقي تحسن سريع
يروح الاكزيما فترااات طويله ولما تحس انه بيرجع افبدايته ترجع تدهن منه
انا قريت ان الاكزيما ماله علاج دائم بس مافي شي على ربك عسير وان شاء مع هالزيت تتخلصون منه نهائي
والله ان امي مرتاحه حيييييييل من بعد عذاااب وفي ناس قالو لها بيعي هالزيت بس امي مارضت
قالت في موقع احط الوصفه فيه ؟!!!
ما ابي غير الاجر وان الناس تدعي لي قلت يمه في مواقع مو موقع
وترا هالزيت في حريم يسوونه ويبيعونه حتى من كثر الطلب عليه غلو سعره
واللي حابه تنقل هالموضوع ياليت تنقله بالصيغه اللي انا كاتبتها انا اختكم لحن السعوديه
اسفه عالاطاله
الوصفه
كوب زيت ذره
بصله متوسطه بقشورها تقطع وتقلى بالزيت حتى تحترق وتصبح سودا
ثم اضيفي
ملعقه كبيره حلبه مطحونه
ملعقه كبيره حبه سمرا الحبه السوداء
ملعقه كبيره قشور رمان مطحون
ملعقه صغيره خوا جوا مطحون
كسره من المره بحجم حبه الحمص مطحونه
خليها تغلي مع الزيت شوي ثم طفي عليها وصفيها واضيفي لها كوب زيت الزيتون
وممكن اضافه فازلين اذا تفضلينها كا كريم
وترا اهم شي بالوصفه الزيت والبصل المحروق
ومثل ماذكرت هالوصفه تنفع للأكزيما والبواسير والحروق والجروح والدمامل مجربه
وارفعو الموضوع عشان الكل يستفيد الاكزيما الله يبعدنا عنه مزعج ومؤلم والله يشافي كل مريض
roroo 24 @roroo_24
عضوة فعالة
هذا الموضوع مغلق.
الصفحة الأخيرة
تم الحفظ بالمفضله