علاج الشرخ الشرجي بدون كريمات وعمليات جراحيه

السلام عليكم ورحمة الله وبركاته 




بكتب لكم علاج للشرخ الشرجي الحل النهائي وعندكم بالبيت مايحتاج لاكريمات ولا مراهم ولاعمليات جراحه 
حتى لو تقولين لي ينزف دم بقولك لاتخافين استخدمي اللي بقوله لك بالحرف الواحد وماابي منك الا تدعين لي بالتوفيق والسعاده وابيك تقولينه لكل وحده تعاني من الشرخ وحتى البواسير والتقرحات في منطقة الشرج 




اول شي الشرخ الشرجي هو جرح يكون في منطقة الشرج بسبب الامساك وقساوة البراز وانتم بكرامه 
طبعا لازم تحلين مشكله الامساك في البدايه ولا ترى الشرخ بيتكرر عليك كل فتره وينزف  وهذا خطير 
الشرخ غير عن البواسير البواسير اكياس دمويه تظهر بالمنطقه وتبرز بالخارج وتخرج وتدخل تكون مرنه 
افحصي عند طبيب جراح ويقولك اذا هو شرخ او بواسير 




نجي للعلاج :




ملعقتين او ثلاث ملاعق كبيره فازلين (ساده غير معطر ) انتبهي لهالنقطه
تسيحينها على النار ومجرد مايبدأ يذوب الفازلين تضيفين عليه الاتي 
( نصف ملعقه صغيره مره مطحون طحن ناعم + نصف ملعقه صغيره حلتيته مطحونه طحن ناعم + نصف ملعقة صغيره كركم الخاص بالاكل مطحون طحن ناعم + نصف ملعقه صغيره خواجوا مطحونه طحن ناعم + ربع ملعقه مباركه مطحونه طحن ناعم ) انتبهي لازم تكون جميعها مطحونه طحن ناعم بودر وتتقيدين بالمقادير 
بعد ماتحطينه على الفازلين طفي النار وارفعي القدر بمنطقه بارده شوي واستمري بتحريكه عشان يجمد وهو مخلوط تماما لان لو ماحركتيه راح يجمد الفازلين وباقي المقادير تنزل تحت وهذا غلط 
المهم بعد مايجمد تماما حطيه بعلبة بلاستيك صغيره وغطيه زين حتى مايتجمع عليه غبار وجراثيم 




بعد ماتخرجين من الحمام وبعد عملية التبرز غسلي المنطقه تمام حتى لو كنتي تنزفين ونشفي منطقة الشرج بالمنديل وبعدين خوذي قطعه صغيره من الكريم اللي سويناه بحجم حبه الفول وادخليه داخل الشرج باستخدام اصبعك افضل واذا فيه وحد تقرف من هالشي تستخدم اعواد الاذان اللي فيها قطن 
وانتهينا استخدمي هالطريقة 3 مرات باليوم في الصباح والعصر وبالليل على النوم مهم جدا وبتشوفين المفعول من ثاني يوم 
راح يوقف النزف الدموي معك ويخف الالم استمري على الكريم هذا اسبوع كامل وخلاص ودعي الشرخ للابد بإذن الله 
احفظي الكريم هذا عندك لو قدر الله ورجع لك بعد شهر او سنه يكون موجود 




وزي ماقلت لك لازم تحافظين على ليونة البراز 
عن طريق انك تشربين صباحا على الريق ملعقتين زيت زيتون وبعدها كوب ماء دافئ وانتظري نصف ساعه وبعدها افطري عادي 
من ضمن اكلك لازم يكون ألياف مثل الخس والخضروات الورقيه
وايضا اكل البرتقال بعد كل وجبه  هذا يساعد على عدم حدوث الامساك



دعواتكم لي بالتوفيق وتفريج الهم

ملاحظه مهمه جدا  لاأحلل ولا أبيح اللي تسوي الكريم هذا وتبيعه وتستغل الناس مع حاجتهم لهالكريم 
اللهم اجعله صدقة جاريه عني وعن والداي ياكريم