علاج الشعر الابيض والجفاف والشوشه وكل ابو شي

السلام عليكم ورحمة الله وبركاته
كيف حالكم بنات
أخباركم وأخبار شوشكم ههههه
بنات ماتلاحظون انه اندمرت شعورنا وجفت من الصبغات ؟
أنا من يوم اني كنت احب الصبغات واحب الهيلايت واحب التغيير
واستمريت كل ماتنزل الصبغه صبغت وهكذا لحد مارحت للرياض قبل اربع شهور تقريبا
واصبغت شعري أسيا الله لايوفقها يادمرت شعري دمار صار ليفه
حتى الليفه انعم منه شكله كثرت الاكسجين الله يهديها 
بعدها حرمت اصبغ واهتميت بشعري من زيوت وغيره حتى صار يتساقط اهئ اهئ 
المشكله مو هنا تدرون وش المشكله ؟
المشكله بالشيب مدري وش اسوي له 
كثر الشيب بشعري خاصة من قدام وكله بسبب هالصبغات 
ولا توي علا الشيب بالثلاثينات احس بدري صح ؟
والله فيه عجز اكبر مني ومافيهم ولا شيبه 
المهم بنات وش اسوي عندكم طريقه تخفي الشيب غير الصبغات 
فكرت بالحنا بس بيصير الشيب لونه برتقالي 
ياربي والله مشكله 
معقوله مافيه حل لهالشعر الابيض 
تكفون قولولي 
طيب وش رايكم بالكتم ؟يصلح ولا لا 
وكيف يستخدم ؟
يالله حبيت افضفض وعطوني حل تكفون 
انتظركم 
محبتكم  مركب الهوى