شاكره لكم ردودكم وافادتكم

رحت لهم وعطوني ورقه اسوي تحاليل انا وزوجي
بعد النتيجه راح يحولونا على القسم المناسب
الله يسهل علينا ويكتب اللي فيه الخير يارب

طبعا لازم يكون زوجك او ابوك عسكري

يابنات الله يرزقنا اجمعين اللي انا اعرفه انه مستشفى الحرس الوطني يسوون اطفال الانابيب مجانا واكثر من دورة الين الله يرزقك ولك مجال الى ان يرزقك الله ثلاث اطفال وهذابامر من الملك عبدالله والعلاج للجميع يعني اي شخص يعاني من ضعف او عقم يروحلهم ويستقبلونه حتى لو انه موتبع المستشفى والفرق بين اللي تبع المستشفى عن غيرهم انهم يصرفون الادوية من عندهم وفيه نقطة مهمه هو ان عمرك يكون تحت الاربعين حتى تقدرين تدخلين في النظام لان اللي فوق الاربعين تكون حالت النجاح ضعيفة والحمدلله نسبت نجاح طفل الانابيب عندنا اصبحت عالية جدا مقارنة بدول العالم وهذا بفضل الله سبحانه وتعالى .

الحين العسكري هو نفسه حقين الحرس او لا




بس انا ياناس دورتي تلخبطه ماني عارفه لها

وسولي تحليل هرمونات يقولون سليمة واكياس والهابات وقرحه مافيه

وكل اخصائي يحولني على اللي بعده وعلى كذا

وزوجي فيه دوالي
بس ماقالو لي اطفال انابيب ؟

وابي اسال عملية الاطفال الانابيب هل تحسين بألم او لا ؟ وكيف هي العملية ياليت تعطوني المفيد


علما بان الموعد الجاي 22\ 10

العسكري يختلف عن الحرس
بس اول مره اسمع ان الحرس عادي اي وحده تعالج فيه
المشكله مدري وين نروح في البدايه ياليت احد يفيدنا

اعتقد ان البدايه تكون من مركز عمل الزوج اذا فيه مستوصف تابع للعمل يروح له ويطلب تحويل الى المستشفى المذكور وياخذ معه تعريف من العمل انه عسكري ويراجع المستشفى وراح يستقبلونه على طول00